புரவி, தொகுதியொருமை. குற்றமேதும் அற்றது என்றது இகழ்ச்சிக் குறிப்பு.
குடர், போலி. பேர், உலக வழக்கு. (44)

     (இ - ள்.) கண்ணும் இடுகவசமும் போல் காரியம் செய்து ஒழுகியதும்
- எனக்குக் கண்ணும் இடுகின்ற கவசமும் போல இதுவரை என்
கருமங்களைச் செவ்வனே செய்து வந்ததனைத்தும், காலம் பார்த்து - சமயம்
பார்த்து, எம் எண்ணரிய நிதி ஈட்டம் கவர்வதற்கோ - எமது அளவிறந்த
பொருட்குவியல்களைக் கவருதற்காகவோ, நின் அமைச்சின் இயற்கை நன்று
- நின்னமைச்சிலக்கணம் நன்று; புண்ணிய வேதியர் மரபில் பிறந்தனம்
என்று ஒரு பெருமை பூண்டாயே - புண்ணிய மறையோர் மரபில்
தோன்றினோமென்று ஒரு பெருமையைப்பூண்டனையே, நீ பண்ணியகாரியம்
பழுது - நீ செய்த காரியம் மிகவுந்தவ றுடைத்து; பிறராகில்
தண்டிக்கப்படுவர் என்றான் - மற்றொருவராயின் தண்டிக்கப் படுவர் என்று
கூறி.

     கண்ணும் கவசமும்போல் என்னும் உவமை முன்பு விளக்கப்பட்டது.
நன்று என்றது இகழ்ச்சி. பொருளுக்காக வன்றி வஞ்சகச்செயலுக்காகவும்
தண்டிக்கப்படுவர் என்றான் என்க. (45)

     (இ - ள்.) தண்டலாளர்கள் - தண்டற்காரர்களே, இவனைக்கொடு
போய் - இவனைக்கொண்டுபோய், தடுத்தும் ஈர்த்து மிண்டினால் வலி
செய்தும் - (எங்குஞ் செல்ல வொட்டாமல்) தடுத்து இழுத்தும் (உங்கள்
ஆணையைக்) கடந்தால் வேறு ஒறுத்தும், நம்பொருள் முழுதும் வாங்கும்
என அரசன் வெகுண்டு விளம்க - நமது பொருள் முழுதையும்
வாங்குவீராகவென்று மன்னன் சினந்துகூற, கூற்றும் மண்டு மேல் மறம்
செய்யும் வலியுடையார் - கூற்றுவனும் எதிர்ப்பானேல் போர்புரிந்து
வெற்றியையும் வலியுடைய அவர், கதிரை இருள் அடுத்துப்பற்றிக் கொண்டு
போனால் என்ன - சூரியனை இருள் நெருங்கிப் பிடித்துக் கொண்டு
போனாற் போல, புறம் கொடு போய் - வெளியிற் கொண்டு போய்,
அறவோரைக் கொடுமை செய்வார் - அறவடிவாய அடிகளைத்
துன்புறுத்துவாராயினர்.

     தண்டலாளர் - இறை வாங்கும் ஏவலாளர்கள். தண்டலாளர்கள்,
அண்மை விளி. மிண்டுதல் - மீறுதல். கூற்று மண்டுமேல் மறஞ்செய்யம்
என்று கருத்தினை,