(இ - ள்.) வந்திக்குக் கூலியாளாய் வந்தவன்யார் என்று ஓடி -
வந்திக்குக் கூலியாளாக வந்தவன் யாவன் என்று வினாவி ஓடி, கந்தர்ப்பன்
என நேர்நின்ற காளையை நோக்கி - மன்மதனைப்போல எதிரில் நின்ற
காளை போன்றாரைப் பார்த்து, ஏடா - ஏண்டா, அந்தப்பங்கு உள்ள
எல்லாம் அடைபட்டது - அந்தப் பங்கு உள்ளன முற்றும் அடைபட்டது; நீ
இன்னம் - நீ இன்னமும், இந்தப் பங்கு அடையாய் - இந்தப் பங்கினை
அடையாமல், வாளாது இருத்தி எவன் தம்பீ என்றார் - சும்மா
இருக்கின்றனையே அதற்கு யாது காரணம் தம்பீ என்று வினவினர்.

     ஏடா தம்பீ எனக் கூட்டி யுரைக்க. அந்தப்பங்கு - ஏனோர் பங்குகள்.
வாளாது, து பகுதிப்பொருள் விகுதி. காளையின் அழகில் ஈடுபட்டுத்
தம்பியென அருமை பாராட்டிக் கூறினர். (41)

     (இ - ள்.) ஈறு இலான் வேறு உரையாது - அழிவில்லாத இறைவன்
அதற்கு வேறொன்றும் விடைகூறாது, தம்மை உணர்ந்தவர் வீறு தோன்ற -
தம்மையுணர்ந்த அடியாரின் வீறுவெளிப்பட, இறுமாப்பு எய்தி இருந்தனன்
ஆக - இறுமாப்புற்று இருந்தானாக; ஆறு மேலிட்டு வந்து - ஆறானது
மேற்கொண்டுவந்து, அடுத்த பங்கில் அடைகரை கல்லில் செல்ல - அடுத்த
பங்கில் அடைபட்டிருக்கும் கரையையும் தோண்டிச் செல்லாநிற்க, வலிய
கோலார் மாறுகொண்டு ஓச்ச அஞ்சி மயங்கினார் - வலிய கோலையுடையவர்
கோலினால் அடிக்க அஞ்கிமயங்கினர்.

     வீறு - பெருமை. இச்செய்யுளிலும் அவரது தோற்றத்தில் ஈடுபட்டமை
கூறினார். (42)

     (இ - ள்.) இவன் தான் பித்தனோ என்பார் - இவன்
பித்துடையவனோ வென்று கூறுவர்; அல்லது இவன் தான் பேய் கோட்பட்ட
மத்தனோ என்பார் - அன்றி இவன் பேயாற் பிடிக்கப்பட்ட
உன்மத்தனோவென்று சொல்லுவர்; இவன் தான் வந்தியை அலைப்பான் வந்த
எத்தனோ என்பார் - (அன்றி) இவன் வந்தியை வருத்துதற்கு வந்த எத்தனோ
வென்று இயம்புவர்;