அரும்பெறல் - பெறலரும். இரும் என்பதில் உம்இசைநிறை.
மேனிபுகலும் என்றது சொல்லாததனைச் சொல்வதுபோற் கூறியது. (45)

     (இ - ள்.) கூலியும் கொண்டான் - (வேலை தொடங்குதற்கு முன்னரே
வந்தியிடம்) கூலியும் வாங்கிக்கொண்டான்; தானே கணக்கிலும்
குறிக்கச்சொன்னான் - தானே இங்கு வந்து யான் வந்தியின் ஆளென்று
கணக்கிலும் பதிவு செய்யுமாறு கூறினான்; வேலையும் செய்யான் -
வேலையும் செய்யாமலிருக்கிறான்; இன் சொல் விளம்பினும் கேளான் -
இனியவை கூறினுங் காது கொடான்; கல்லின் பால் அறை முளையே ஆகிப்
பராமுகம் பண்ணி நின்றான் - கல்லிலடித்த முளையே போலச் சிறிதும்
அசையாது நம்மையும் ஒரு பொருட்படுத்தாமல் நின்றனன்; நாம் இதனை
வேந்தற்கு ஏல உணர்த்தும் என்று போனார் - நாம் இச்செய்தியை மன்னற்கு
இசையக் கூறுவேமென்று கருதிச் சென்றனர்.

     ஆகி என்பதனை ஆக வெனத்திரித்து, நாம் கூறுஞ்சொல் கல்லில்
அறையும் முளைபோன்ற செவியில் ஏறாதாக என்றுரைத்தலுமாம்;

எனப் பிறர் உவமங்கூறியிருத்தலுங் காண்க. (46)

     (இ - ள்.) தலைமகன் திருமுன் தாழ்ந்து சாற்றுவார் - மன்னனது
திரு முன்னே வணங்கிக் கூறுவார்; அடிகேள் - அடிகளே, இந்த அலை
புனல் நகரார் - இந்த வருத்து வெள்ளத்தையுடைய நகரத்திலுள்ளார், அளந்த
வாற்றான் - அளந்து விட்டபடியே, தத்தம் பங்கு எலாம் - தத்தமக்குரிய
பங்காகிய கரை முழுதையும், மலையினும் வலியவாகச்சுமந்தனர் - மலையைக்
காட்டிலும் வலியவாக உயர்த்தனர்; சிற்றூண் விலை வளைந்த நரையாட்டி -
பிட்டு விற்கும் உடல் வளைந்த முதியவளாகிய வந்தி என்பாள், தன்பங்கு -
தன்பங்கினை, வென்றி வேலோய் அடைத்திலள் - வெற்றி பொருந்திய
வேற்படை ஏந்திய வேந்தனே இன்னமும் அடைத்தாளில்லை. சுமந்தனர் -
உயர்த்தனர் என்னும் பொருட்டு. வளைந்த என்னும் பெயரெச்சம் நரையாட்டி
என்பதன் விகுதியோடியையும். (47)