(இ - ள்.) வேளையும் வனப்பினாலே வென்றவன் ஒருவன் -
மதவேளையும் தன் அழகினாலே வென்ற ஒருவன், வந்தி ஆள் என
அங்கேவந்து பதிந்தனன் - வந்தியின் ஆள் என்று அங்கே வந்து கணக்கிற்
பதிவு செய்தனன்; அரசர் செல்வக் காளை போல் களிப்பன் - மன்னர்களின்
செல்வமிக்க புதல்வர்களைப் போலக் களி கூர்வன்; பாடும் - பாடுவான்;
ஆடுவன் - கூத்தாடுவான்; காலம் போக்கி நீளுவன் - காலத்தை வேலை
செய்யாமற் போக்கி நீட்டிப்பன்; வேலை ஒன்றும் நெஞ்சினும் நினைதல்
செய்யான் - வேலையை மட்டும் மனத்திலுங் கருதான்.

     காளை - காளை போலும் மைந்தர். நீளுவன் - நீட்டிப்பன் என்னும்
பொருட்டு. (48)

     (இ - ள்.) ஆண்டகை வனப்பை நோக்கி அஞ்சி அடிக்கவும்
கில்லேம் - அவ் வாண்டகையின் பேரழகினைப் பார்த்து அஞ்சி அடித்தலும்
ஆற்றேமாய், ஈண்டினேம் என்று கூற - இங்கு வந்தோமென்று சொல்ல,
பாண்டியன் இம்மென அமைச்சரோடும் எழுந்து - பாண்டியன் விரைந்து
மந்திரிகளோடும் எழுந்து, நாம் போய்ப் பங்கு அடைபட்ட எல்லாம்
காண்டும் என்று - நாம் சென்று அடை பட்டனவாய பங்குகளை யெல்லாம்
காண்பேமென்று கூறி, எறிநீர் வையைக் குடிஞை அம்கரையைச் சார்ந்தான்
- அலைவீசும் நீரினையுடைய வையையின் அழகிய கரையினைச் சேர்ந்தான்.

     ஆண்டகை, அன்மொழித் தொகை. கில், ஆற்றலுணர்த்தும்
இடைநிலை; பொதுவே செய்தலென்னும் பொருட்டாயும் வரும். ஈண்டுதல் -
அணுகுதல். இம்மென, விரைவுக் குறிப்பு. அடைபட்ட பங்கு எல்லாம் என
மாறுக. (49)

     (இ - ள்.) எடுத்ததிண் கரைகள் எல்லாம் - உயர்த்தி
அடைக்கப்பட்ட திண்ணிய கரைகளனைத்தையும், நோக்கி உள்ளத்து ஓகை
மடுத்தனன் செல்வான் இறைமகன் - கண்டு மனமகிழ்ச்சி யுற்றுச்
செல்பவனாகிய மன்னன், வந்திபங்கு அடைப்பார் இன்றி - வந்தியின் பங்கு
அடைப்பவ