படுகடல் - ஒலிக்குங் கடலுமாம். உலகுக் கெல்லாம் அரசாக
வீற்றிருப்பீர் என்க. சோமசுந்தரக்கடவுள் தென்னர் குலமுழுதாளம்
பெருமானாயும் தென்னவனாயும் இருத்தலின் ‘உங்கள் நாயகன்’ என்றார்;

     என்றிங்ஙனம் இறைவனைப் பாண்டிவேந்தாகவே அடிகள் அருளிச்
செய்தலுங் காண்க. (70)

     (இ - ள்.) உம்மை நான் அடுத்த நீரால் - நான் உம்மை அடைந்த
தன்மையால், உலகியல் வேதநீதி இரணம் - உலக நடையும் வேத
வொழுக்கமுமாகிய இரண்டும், செம்மையால் நன்றாத் தெளிந்தது -
முறைப்படி நன்கு தெளியப் பெற்றது; தெளிந்த நீரால் - அங்ஙனம்
தெளிந்தபடியால், மெய்ம்மையாம் சித்தசுத்தி விளந்தது - உண்மையாகிய
மனத்தூய்மை உண்டாயது; விளைந்த நீரால் - அங்ஙனம் உண்டான
படியால், பொய்ம்மை வானவரின் நீந்தி - அழிகின்ற தேவர்களினின்றுங்
கடந்து, சிவன்பால் பத்தி போந்தது - சிவபெருமானிடத்து அன்பு
விளைந்தது.

     லௌகிகம் வைதிகம் இரண்டும் என்க. இரண்டும் தெளிந்தது,
பன்மையி லொருமை; இரண்டனையும் உள்ளம் தெளிந்தது என்றுமாம்.
சில்லாண்டிற் சிதையும் சிலதேவர் சிறு நெறியைக் கடந்து பல்லாண்டென்னும்
பதங்கடந்த இறைவன் பால் அன்புவிளைந்த தென்றாரென்க;

எனவும்,

எனவும் அடிகள் திருவாசகத்தில் அருளிச் செய்தலுங் காண்க. (71)