என்னும் திருவாசகங்களானறிக. கூத்தன் உரு ஐந்தெழுத்தாதலை,

என்னும் உண்மை விளக்கத்தாலறிக. திருநாவுக்கரசர்.

எனத் திருவைந்தெழுத்தை வாளாக உருவகப் படுத்தினமை இங்கே
சிந்திக்கற் பாலது. ஐந்தெழுத்தின் என்பதில் இன் சாரியை அல்வரிக்கண்
வந்தது. கால் பாய, கால்துணைச் சொல். அருந்தாது அருந்தல் - தற்போதங்
கொண்டு நுகராது திருவருள் வழி நின்று நுகர்தல். இஃது இயைபுருவக
அணி. (95)

     (இ - ள்.) மயங்கு கானத்து - இருள் செறிந்த அக்காட்டின்கண்,
மான் நிரையும் குயவரியும் வந்து ஒருங்கு நின்று உரிஞ்ச - மான்
கூட்டங்களும் புலிகளும் வந்து ஒருசேரநின்று உரிஞ்சவும், ஆன்நிரை -
பசுக்கூட்டங்கள், கன்று என இரங்கி மோந்து நக்க - கன்று என்று
இரங்கிமோந்து நக்கவும், ஆனந்த அருள்கண்ணீரை - அருள்மயமாகிய
இன்பக் கண்ணீரை, கான் நிறை புள் இனம் பருக - அக்காட்டில் நிறைந்த
பறவைக் கூட்டங்கள் பருகவும், கருணைநெடுங்கடல் இருந்த காட்சிபோல -
நீண்ட அருட்கடல் இருந்த தோற்றம் போல, பால்நிற வெண்நீற்று அன்பர் -
பால் போன்ற நிறத்தியைுடைய வெண்ணீற்றினை யணிந்த அடிகள், அசைவு
இன்றிச் சிவயோகம் பயிலும் நாளில் - சலிப்பற்றுச் சிவயோகம் பயிலாநின்ற
நாளில்.

     குயம் - அரிவாள். குயவரி - குயம்போலும் வரிகளையுடைய புலி;
அன்மொழித்தொகை. தல விசேடத்தாலும் தவச்சிறப்பாலும் தம்முட்
பகையுள்ள விலங்குகளும் பகைமையொழிந்தன என்பார் ‘மானிரையும்
குயவரியும் வந்தொருங்கு நின்றுரிஞ்ச’ என்றார். உரிஞ்சவும் நக்கவும்
பருகவும் பயிலுநாளில் என்றது சாந்தமயமான சிவயோக நிலையை
விளக்கியபடி. (96)