மன்றுடையான் திருவாக்கால் தபோவனத்தைக் குறுகிச் சிவயோகம்
பயின்றனர் என முற்கூறினமையின் ஈண்டும் ‘வேதநாயகன் பணித்த வழி
நின்றார்’ என்றார். காதரம் - அச்சம். காதராகுலம், வடமொழி நெடிற்சந்தி.
முத்தழல் காருகபத்தியம், ஆகவனீயம், தென்றிசையங்கி யென்பன. நிமிர்த்தல்
- வளர்த்தல் என்னும் பொருட்டு. காய்வார், வினைப்பெயர். (98)

     (இ - ள்.) மன்றுள் நடம்பிரியாத பெருமான் - பொன்னம்பலத்தில்
நீங்காது நடம்புரியும் இறைவன், பின்னும் அவர் கனவின் கண் வந்து -
மீண்டும் அவர் கனவிலே வந்து, அவனை முன் பெருந் துறையில் குருந்து
அடியில் ஆட் கொண்ட முறையினானும் - அவனை முன்னே திருப்பெருந்
துறையில் குருந்தமரத்தின் நிழலில் ஆட்கொண்டருளிய முறையாலும், இன்
இசை வண்தமிழ் - இனிய இசையோடு கூடிய வளம் நிறைந்த தமிழப்
பாட்டுக்களை, மணிபோல் பாடும் காரணத்தானும் - மாணிக்கம் போலப்
பாடுகின்ற காரணத்தாலும், யாம் அன்று இட்ட மன்னிய பேர் மாணிக்க
வாசகன் என்று அழைமின்கள் - யாம் அன்று இட்ட நிலைபெற்ற பெயர்
மாணிக்கவாசகனாகும் ஆதலால அப்பெயரைக் கூறி அழையுங்கள்; வருவன்
என்றார் - வருவா னென்று அருள் செய்தார்.

     மாணிக்கவாசகனாகும் ஆதலால் அப்பெயரைக்கூறி அழையுங்கள் என
விரித்துரைக்க; அப்பெயரினைத் தாமும் வாதவூரரும் அன்றிப் பிறர்
அறியாராகலின் அதனைக் கூறியழைப்பின் தமது ஆணையென அறிந்து
வருவரென்பார் ‘மாணிக்க வாசக னென்றழைமின்கள் வருவன்’ என்று
கூறினாரென்க. இட்டபேர், மன்னியபேர் எனத்தனித்தனி இயையும். (99)

     (இ - ள்.) அறவோர் உறக்கம் ஒழிந்து சென்று - அவ்வந்தணர்
தூக்கம் நீங்கிப் போய், அவர் நாமம் மொழிந்து அழைப்ப - அவர்
பெயரைக்கூறி அழைப்ப, மண்ணும் துறக்கமும் நீத்து அருவருத்தார் -
நிலவுலக இன்பினையும் துறக்க வுலக இன்பினையும் அருவருத்துத்துறந்த