புகையுடைமையால்’ என அனுமானித்தல் செல்லாதென்க. புத்தர் கூறும்
இறை முதலிய மூன்று பொருள்களின் இயல்பினையும், சைவர்களால் அவை
மறுக்கப் படுமாற்றையும் சிவஞான சித்தியார் பரபக் கத்திற் காண்க. (103)

     (இ - ள்.) பொன்றுதல் முத்திஎன்பார் - பஞ்சகந்தங் கெடுதலே
வீடுபேறு என்னும் அப்புத்தர்கள், பூசுரர் பிரானை நோக்கி - அந்தணர்
பெருமானாகிய அடிகளை நோக்கி, இன்று எமைக்காட்சி ஒன்றால்
வென்றனம் என்றீர் ஆனால் - இப்பொழுது எங்களைக் காட்சியளவை
ஒன்றினாலே வென்றோமென்று கூறினீராயின், நன்று - நல்லது, நும் கடவுள்
தன்னை அளவையால் நாட்டி - நுமது கடவுளை அளவையால் நிலைநாட்டி,
எம்மை வென்றிடும் என்றார் - எங்களை வெல்லும் என்று கூறினார்; ஐந்தும்
வென்றவர் முறுவல் செய்யா - ஐம்புலன்களையும் வென்றவராகிய
மணிவாசகர் நகைத்து.

     உருவம், வேதனை, குறிப்பு, பாவனை, அறிவு என்னும் ஐந்து
கந்தங்களும் பொன்றக் கெடுதலே முத்தியென்பர் புத்தராகலின் ‘பொன்றுதல்
முத்தி யென்பார்’ என்றார்;

என்னும் சிவஞானசித்தியாரின் பரபக்கச் செய்யுள் காண்க. நன்று என்பது
அனுவதித்தற் குறிப்பாக வழங்குவது. ஐந்தும், தொகைக் குறிப்பு. (104)

     (இ - ள்.) பிறவி அந்தகர்க்கு வெய்யோன் பேர் ஒளி காட்ட
லாமோ - பிற விக்குருடர்க்குச் சூரியனது பெரிய ஒளியினைக்
காட்டலொண்ணுமோ, மறைகளால் அளவைதன்னால் - மறைகளாலும்
அளவைகளாலும், தேவரால் மனத்தால் வாக்கால் அறிவரும் சோதி
எங்கோன் - தேவர்களாலும் மனத்தாலும் மொழியினாலும் அறிதற்கரிய
ஒளிவடிவினன் எமது இறைவன்; அவன் - அவ்விறைவன், திருநீற்றுத்
தொண்டின் குறிவழி அன்றி - திருநீற்றுத் தொண்டாகிய குறிவழியே
நிற்பார்க்கு அல்லாமல், காணும்