கொள்கையான் அல்லன் என்றார் - ஏனையோராற் காணுந்
தன்மையையுடையனல்லன் என்று கூறினர்

     அளவை - காட்சி முதலியன. எண்ணும்மைகள் தொக்கன. அடியார்க்கு
அடியாராதலைத் ‘திருநீற்றுத் தொண்டு’ என்றார். (105)

     (இ - ள்.) தேற்றம் இல்லாதார் - தெளிவில்லாத அப்புத்தர்கள்,
உங்கள் சிவனுக்கும் திருநீற்றுக்கும் - உங்கள் சிவபெருமானுக்குந்
திருநீற்றுக்கும் உள்ள இயைபுக்கு, தோற்றம் எப்படி திட்டாந்தம் சொல்லுமின்
என்றார் - காட்சியளவை யாது உதாரணஞ் சொல்லுங்களென்றார்; தூயோர் -
புனிதராகிய அடிகள், நாம் இன்னே அதனை வேற்றுமை அற விளக்குது -
நாம் இப்பொழுதே அதனை வேற்றுமை நீங்க விளக்கிக் காட்டுவோம்;
நீங்கள் தோற்றபின் - நீவிர் தோல்வியுற்ற பின்னர், நுமக்குத் தண்டம் யாது
கொல் சொல்மின் என்றார் - நுமக்குத் தண்டனை யாது சொல்லுங்களென்று
வினவினார்.

     திருட்டாந்தம் எனற்பாலது விகாரமாயிற்று. திருட்டாந்தம் -
காணப்பட்ட முடிபுடையது. உதாரணம். கொல், அசை. (106)

     (இ - ள்.) செக்கு உரலிடை எம்மை இட்டுத் திரிப்பது தண்டம்
என்னா - செக்காகிய உரலின்கண் எம்மைப் போட்டுத் திரிப்பதுவே
தண்டனை என்று, எக்கராம் புத்தர் தாமே இசைந்தனர் -
இறுமாப்புடையராகிய புத்தர்கள் தாமே கூறி உடன் பட்டனர்; எரிவாய் நாகம்
கொக்கு இறகு அணிந்தார் அன்பர் - நஞ்சினையுடைய வாயையுடைய
பாம்பினையும் கொக்கினிறகினையும் அணிந்த சிவபெருமானுக் கன்பராகிய
மாணிக்கவாசகர், உலர்ந்த கோமயத்தை வாங்கி - காய்ந்த கோமயத்தை
எடுத்து, செக்கர் அம் தழல் வாய்ப்பெய்து - சிவந்த நெருப்பின்கண்போட்டு,
சிவந்திட வெதுப்பி வாங்கி - அது சிவக்குமாறு எரித்து அதனை எடுத்து.

     எரி என்றது நஞ்சினை. கோமயம் - ஆவின் சாணம். செக்கர் -
செம்மை; பண்புப்பெயர். (107)

     (பா - ம்.) * இசைத்தனர்.