இதிற் கூறிய கௌரியனாகிய கூன் பாண்டியனுக்கு நெடுமாறன் என்பது
பெயரென்பதும், இவன் நெல்வேலியில் நிகழ்ந்த போரிலே மாற்றாரை
வென்றவன் என்பது

என்னும் திருத்தொண்டத் தொகையால் அறியப்படும். இவ்வரசன் சேர
சோழர்களை வென்று அடிப்படுத்தவன் என்பது இறையனாராகப்பொருளுரை
மேற்கோட் செய்யுள்கள் முதலியவற்றால் அறியப்படுகின்றன.
இவ்வேந்தனுடன் நெல்வேலியில் எதிர்த்த பகைஞர் தமிழ் நாட்டின்
வடக்கிலுள்ளவர் என்பது,

என்னும் திருத்தொண்டர் புராணச் செய்யுட்களாலும், சாசனங்களாலும்
அறியப்படுகின்றது. அரிகேசரி மாறவன்மன் என்று கூறப்படும் இந்
நெடுமாறன் கி. பி. 667-க்கு முன் ஆட்சி புரிந்தோன் என்பது சாசனங்களால்
அறியப்படுதலின் இவனுடன் நெல்வேலியில் எதிர்த்த வடபுல வேந்தன்
சளுக்க மன்னனாகிய இரண்டாம் புலிகேசியோ, அன்றி அவன் மகனாகிய
முதலாம் விக்கிரமாதித்தனோ ஆதல் வேண்டும் என்க. மங்கையர்க்கரசியார்
சோழன் மகளார் என்பது மானி என்னும் பெய ருடையார் என்பதும்

என்னும் திருஞான சம்பந்தர் திருவாக்கானும், பெரிய புராணம்
முதலியவற்றானும் பெறப்படும். (6)