(இ - ள்.) நம்பந்தம் அறுப்போன் ஞான நாயகன் - நமது கட்டினை
அறுக்கும் ஞான நாயகனாகிய இறைவனது, ஞானத்தோடு சம்பந்தம் செய்து
- சிவஞானத்துடன் சம்பந்தஞ் செய்தலால், ஞான சம்பந்தனாகி - ஞான
சம்பந்தன் என்னும் பெயருடையராய், நாவில் - தமது நாவின் கண், வம்பு
அந்தம் முலை மெய்ஞ்ஞான வாணியும் காணி கொள்ள - கச்சினை யணிந்த
அழகிய கொங்கையையுடைய உண்மை வடிவாகிய ஞானவாணி
உறைவிடமாகக் கொண்டு தங்க, அம்பந்தம் மறைகள் எல்லாம் - அழகிய
பந்தம் அமைந்த மறைகளனைத்தையும், அரும் தமிழாகக் கூறும் - அரிய
தமிழ்ப் பாடல்களாகக் கூறுவாராயினர்.

என்னும் பெரிய புராணச் செய்யுளால் இவருக்கு ஆளுடைய பிள்ளையார்,
திருஞான சம்பந்தர் என்னும் பெயர்கள் உண்டாய காரணம் அறியப்படும்.
வம்பு அந்தம் - கச்சினைக் கிழிக்கும் என்றுமாம். காணி கொள்ள -
காணியாகக் கொண்டு தங்க. பந்தம் - தளை. மறைகளெல்லாம்
அருந்தமிழாகக் கூறும் என்ற கருத்து,

என்பது முதலாகத் திருத்தொண்டர்புராணத்துப் பயின்று வருதல் காண்க.
(21)

     (இ - ள்.) கரும்பினில் கோது நீத்து - கரும்பினின்றுங் கோதினை
ஒழித்து, சாறு அடு கட்டியே போல் - சாற்றினைக் காய்ச்சுதலாலுண்டாகும்
சருக்கரைக் கட்டியை ஆக்குதல் போல, வரம்பு இலா மறையின் மாண்ட
பொருள் எலாம் - அளவிறந்த மறைகளின் சிறந்த பொருள்களனைத்தையும்,
மாணத் தெள்ளி - மாட்சிமைப்படக் கொழித்தெடுத்து, சுரும்பு இவர்
கொன்றை வேணிப் பிரான் இடந்தோறும் போகி - வண்டுகள்
ஏறுங்கொன்றை மலராலாகிய மாலையையணிந்த முடியினையுடைய
சிவபெருமான் எழுந்தருளிய திருப்பதிகடோறுஞ் சென்று, விரும்பிய
தென்சொல்மாலை - அவ் விறைவனால் விரும்பப் பெற்ற தமிழ் மாலையாகச்
செய்து, சிவமணம் விளையச் சாத்தி - சிவமணம் கமழ அவ்விறைவனுக்குச்
சாத்தி.

     தேவாரம் வேதத்தின் சார மென்பார் ‘கரும்பினிற் கோது நீத்துச்
சாறடு கட்டியே போல்’ என உவமை கூறினார்;