மேற்கொண்டு - தெய்வத் தன்மை பொருந்திய அழகிய
முத்துச்சிவிகையிலேறியருளி, அமண் இருள் கழுவும் சோதி யாம் என -
அமணாகிய இருளைப்போக்குஞ் சூரியனாகும் என்று கண்டோர் சொல்லு
மாறு, நெறிக்கொண்டு ஈசன் இடந்தொறும் அடைந்து பாடி - வழிக்கொண்டு
இறைவன் திருப்பதிகடோறுஞ் சென்று பாடியருளி.

     காமரு, உ சாரியை; காமம் மரு காமரு என்றாயதெனக் கொண்டு,
விருப்பம் பொருந்திய என்றுரைத்தலுமாம். முத்துச் சிவிகை முதலியவற்றின்
ஒளியும், திரு நீற்றினொளியும் விரவி மிகுதலால் ‘அமணிருள்
கழுவுஞ்சோதியாமென’ என்றார் என்னலுமாம்;

என்னும் திருத்தொண்டர் புராணச் செய்யுள் இங்கு நோக்கற்பாலது.
கழுவுதல் போக்குதல். (31)

     (இ - ள்.) செம்பியன் நாடு நீந்தி - சோழன் நாட்டினைக் கடந்து,
தென்னவன் நாடு நண்ணி - பாண்டியன் நாட்டினை அடைந்து, வெம்பிய
சுரமும் முல்லைப் புறவமும் - வெப்பமிக்க பாலை நிலத்தையும் முல்லை
நிலத்தையும், மேகவில்லைத் தும்பி கைநீட்டி வாங்கும் மலைகளும் துறந்து -
முகிலிலுள்ள இந்திர வில்லை யானை தனது துதிக்கையை நீட்டி வளைக்கும்
மலைகளையுங் கடந்து, பாகத்து அம்பிகை உடையான் - ஒரு பாதியில்
உமையையுடைய இறைவனது, கூடல் நகர்ப்புறன் அணுகச் செல்வார் -
கூடலம்பதியின் அண்மையிற் செல்வாராயினர்.

     முல்லையாகிய புறவம் என்க. மலைகளின் உயர்ச்சி கூறுவார்
‘மேகவில்லைத் தும்பிகை நீட்டி வாங்கு மலைகள்’ என்றார். இது
தொடர்புயர்வு நவிற்சி. (32)

     (இ - ள்.) புண்ணிய நீற்றுத் தொண்டர் குழாத்தினுள் -
புண்ணியமாகிய நீற்றினை யணிந்த அடியார் கூட்டத்தினுள், புகலிவேந்தர்
நண்ணிய சிவிகை

     (பா - ம்.) * செம்பியனாடு நீங்கி. +கண்ணிய தோற்றம்.