மீது - காழிவேந்தர் ஏறியருளிய சிவிகையின்மேல், நகைவிடு தரளப்பந்தர் -
ஒளி விடும் முத்துப் பந்தரின், கண் இயல் தோற்றம் - பார்த்தற்கு அமைந்த
காட்சி தீம்பால் கடல் வயிறு உதித்து - இனிய பாற்கடலின் நடுவிற்றோன்றி,
தீர்ந்துவிண் இயல் முழுவெண் திங்கள் - மேற் போந்து வானிலுலாவும்
வெள்ளிய முழு மதியினது, விளக்கமே ஒத்தது - காட்சியையே ஒத்தது.

என்னும் திருநீற்றுப் பதிகத்தாலறிக. நீறு பூசிய தொண்டர் குழாம்
பாற்கடல் போன்றும், முத்துப் பந்தர் அப்பாற்கடலிலுதித்து வானிலுயர்ந்த
முழுமதிபோன்றும் விளங்கின என்க. பந்தர், போலி. அன்று, ஏ
அசைகள். (33)

     (இ - ள்.) தேம்படு குமுதச் செவ்வாய்ச் சிரபுரச் செல்வர் முன்னம் -
தேன் பொருந்திய குமுத மலர்போன்ற சிவந்த வாயினையுடைய காழிச்
செல்வருக்கு முன்னே, போம்பரிசனத்தார் தம்மில் - போகும் பரிசனங்களுள்,
பொன் நெடுஞ்சின்னம் ஆர்ப்போர் - பொன்னாலாகிய நீண்ட திருச்சின்னம்
ஊதுவோர், பரசமய சிங்கம் - எங்கள் பரசமய கோளரி, சமண் இருள்
கிழிய - சமணாகி இருள் கிழிந்தோட, பானுவாம்படி வந்தான் என்று என்று
ஆர்த்து எழும் ஓசை கோளா - சூரியன் போன்று வந்தனன் என்று
பலமுறை கூறி ஆரவாரித்து எழும் ஒலியினைக் கேட்டு.

     தாம், அசை. கரசமய சிங்கம் - புறச் சமய வாதியாராகிய வேழங்களை
அடக்கும் சிங்கம்;

     "உரைசெய்திருப் பேர்பலவு மூதுமணிச் சின்னமெலாம்
     பரசமய கோளரிவந் தானென்று பணிமாற"

என்றார் அருண்மொழித் தேவரும். ஒலிப்பிக்க எழும் ஓசை என்க. (34)

     (இ - ள்.) நின்று உண்டு திரியும் கையர் - நின்ற வண்ணமே உணவு
அருந்தித் திரியுங் கீழ்மக்களாகிய சமணர்கள், எதிர் வந்து - நேரில் வந்து,
கொன்று அறஞ் சொன்ன நுங்கள் தேவை - உயிர்களைக் கொன்று அறங்
கூறிய உங்கள் தேவனை, நீவிர் கும்பிட வந்தால் - நீவிர் வணங்குதற்கு
வந்தால், இந்த வென்றி கொள் சின்னம் என் கொல் - இந்த வெற்றி