பழித்தழல் இழைத்தார் - முத்தமிழ் வித்தகர்மேற் பழிவேள்வி செய்தனர்.

     வைதிக மடங்கலேறு என்க. அயல்மலை இடங்கள் - ஆனைமலை
முதலிய எண் குன்றங்கள்;

என்று பிள்ளையார் அருளிச்செய்தலுங்காண்க. பழித்தழல் - அபிசார வேள்வி. (42)

     (இ - ள்.) மெய்இல் சிந்தைார் - உண்மையில்லாத உள்ளத்தையுடைய
சமணர், அத்தழற் கடவுளை விளித்து - அத்தீக் கடவுளை அழைத்து, ஆங்கு
எய்தி - அங்குச் சென்று, எம் பகையாயினோர் இருக்கையை அமுது செய்து
வா எனப் பணித்தனர் - எமது பகைவரின் இருப்பிடத்தை உண்டு
வருவாயாகவென்று கட்டளை யிட்டனர்; சிறுவிதி மகத்தில் கை இழந்தவன் -
தக்கன் வேள்வியில் கை அறுபட்ட அவன், செல்லுமோ - செல்வானோ,
கலங்கி அஞ்சினான் - மனங்கலங்கி அஞ்சினான்.

     மெய்யில் சிந்தை - பொய் குடிகொண்ட சிந்தை. மந்திரத்தால்
அத்தீக்கடவுளை அழைத்து என்க. சிவபிரானுக்கு மாறாகத் தக்கன் புரிந்த
வேள்வியிற் சென்று கை குறைபட்டவன் சிவகுமாரராகிய திருஞான
சம்பந்தர்க்கு மாறாக அவர் இருக்கையிற் றுணிந்து செல்வனோ என அவன்
செல்லாமைக்கு ஏதுக் காட்டினர்;

என்னும் சேக்கிழார் திருவாக்குகளும் காண்க. (43)

     (பா - ம்.) * வாவென விடுத்தனர்.