வித்தைகளும், இவ்வெல்லை வந்து ஒன்றும் உதவில - இது போது வந்து
சிறிதும் உதவில; கள்ளரால் பறிபட்டவோ - அவை திருடராற்
பறிக்கப்பட்டனவோ, கனவில் வெந்தனவோ - நெருப்பில் வெந்துபட்டனவோ,
வெள்ளம் கொண்டவோ - வெள்ளத்தாற் கொள்ளப்பட்டனவோ, சேமத்தில்
கிடப்பவோ விளம்பீர் - காவலில் வைக்கப்பட்டுக் கிடக்கின்றனவோ
கூறுமின்.

     மோகாதி விஞ்சை - மோகனம், ஆகருடணம், வசியம், அதிரிச்சியம்,
அஞ்சனம், தம்பனம், வாதம் என்பன. உதவில என்றதும் கனவு நிலையாகக்
கொள்க. (21)

     (இ - ள்.) தாவு தீ வளர்த்து - தாவுகின்ற நெருப்பினை வளர்த்து,
எழுகரிதன்னை ஆடு அரவை - அதில் எழுந்த யானையையும் கொல்லுந்
தொழிலையுடைய அரவினையும், ஆவை - பசுவையும், முன் நம்மனோர்
ஏவி பட்டதும் அறிந்தீர் - முன்னொரு காலத்தில் விடுத்து நம்மவர்
பட்டதையும் அறிந்தீர்; காவலன் பிணிதணித் திலீர் - பாண்டியன் வெப்பு
நோயையுந் தணித்திலீர்; இனிச் செயுங் கருமம் யாவது ஆகுமோ - இனிச்
செய்யப் போகும் வினை யாதாய் முடியுமோ, அதனையும் எண்ணுமின்
என்றார் - அதனையுஞ் சிறிது எண்ணிப்பாருங்கள் என்றனர்.

     அடு என்னும் முதனிலை நீண்டு ஆடு என்றாயது. கரி, அரவு, ஆ
இவற்றை ஏவினமையை இப்புராணத்து யானை யெய்த படலம்; நாகமெய்த
படலம், மாயப் பசுவை வதைத்த படலம் என்பவற்றில் முறையே காண்க.
பட்டது - எய்தியது; அழிந்தது என்றுமாம். முற்காலத்தில் நம்மடிகண்மார்
பல மாயங்கள் செய்து தோல்வியுற்றமையும் அறிவீர், நீவிரும் இப்பொழுது
காவலன் பிணி தணித்திலீர் இனி நீங்கள் செய்யுங் காரியம் உங்கட்கு வெற்றி
தருவது எங்ஙனம் இதனைச் சிந்தித்துப் பாருங்கள் என்றார். (22)

     (இ - ள்.) இற்றைவைகலுக்கு ஏகல்மின் - இந்த நாளில் செல்லன்மின்,
என்றனர் - என்று கூறினர்; அறத்தைச் செற்ற வஞ்சகர் - அறத்தைக்
கொன்ற வஞ்சகராகிய அச்சமணர்; திரும்பவும் செல்லுவார் - மீளவுஞ்
செல்லுவாராயினர், கையைப்பற்றி ஈர்த்தனர் - அவர் கையைப் பிடித்து
அம்மகளிர் இழுக்கவும், பெண்டிர் சொல் கேட்பது பழுதென்று - மகளிர்
சொல்லைக் கேட்பது பழுதாகுமென்று கருதி, உற்ற தீவினை வழிச் செல்வார்
- வந்தடைந்த தீவினையின் வழியே செல்லுமவர், ஒளித்தனர் செல்வார் -
மறைந்து செல்வாராயினர்.