மரக்கிளைகளை வெட்டி, நிறைய இட்டு நெட்டெரி மூட்டினார் - அக்குழி
நிறையப் போட்டுப் பெரிய நெருப்பை மூட்டினார்; தம் மாதரார் வயிற்றும்
இட்டு மூட்டினார் - அவ்வனலைத் தமது மனைவியர் வயிற்றிலும் இட்டு
மூட்டினார்.

     கீட்டிசை, கீழ்த்திசை என்பதன் மரூஉ. கோடரம் - கிளை. இவர்கள்
மூட்டும் இத்தீயானது இவர் தம் மனைவியர் வயிற்றில் சோகத்தீ மூளுவதற்குக்
காரணமாயிற்று என்பார் 'தம் மாதரார் வயிற்றுமிட்டு மூட்டினார்'
என்றார். (34)

     (இ - ள்.) ஞானம் உண்ட முனிவர் தம்மை எள்ளி எள்ளி -
சிவஞானம் பருகிய முனிவராகிய ஆளுடைய பிள்ளையாரை இகழ்ந்திகழ்ந்து,
நாயினும் ஈனர் - நாயினுங் கடையராகிய அச்சமணர், அங்கியைத் தடுத்து
இருப்ப - அவ்வனலைத் தமது மந்திரத்தாற் கட்டிக் கொண்டிருக்க,
எண்ணிராயிரர் ஆன தொண்டருடன் எழுந்து - பதினாறாயிரமாகிய
தொண்டருடன் எழுந்து, சண்பை வேந்தும் அரசனும் மான் அனாரும் -
காழி வேந்தரும் பாண்டியனும் மான் போன்ற மங்கையர்க் கரசியாரும்,
மந்திரக் கிழானும் வந்து வைகினார் - குலச் சிறையாரும் வந்து தங்கினார்.

     அடுக்கு பன்மை குறித்தது. தடுத்தல் - மந்திரத்தால் தம்பனஞ்
செய்தல். (35)

     (இ - ள்.) உள் அவிழ்ந்த முலை சுரந்து ஒழுக்குபால் அருந்தி -
உள்ளம் நெகிழ்தலால் முலை சுரந்து சொரியும் பாலைப்பருகி, துள்ளியோடு
கன்று பின் தொடர்ந்து செல்லும் ஆன் என - துள்ளியோடுகின்ற
கன்றின்பின்னே தொடர்ந்து போகும் பசுவைப் போல, வெள்ளியம்பலத்துள்
ஆடும் வேத கீதர் - வெள்ளி மன்றுள் ஆடியருளும் சாமவேத
விருப்பினராகிய இறைவர், தம் பிராட்டியோடும் - தமது இறைவியாரோடும்,
காதல் கூர் பிள்ளை போனவாறு எய்தினார் - அன்பு மிக்க பிள்ளையார்
சென்ற வழியிற் சென்றடைந்தனர்.

     அவிழ்ந்த என்னும் பெயயரெச்சம் காரணப் பொருட்டு. பிள்ளையார்
உமையின் பாலருந்தித் துள்ளியோடு கன்றாதல் உணர்க. ஆன் தொடர்ந்து
செல்லுதல் போல எய்தினார் என்றமையின் இது தொழிலுவமை. (36)

     (பா - ம்.) *வாய்மை கூர்.