என்பன காண்க. (46)

     (இ - ள்.) ஊழின் வலியால் அமணர் அதற்கு உடன் பட்டார்கள் -
தீவினையின் வலியினால் சமணர் அதற்கு இசைந்தார்கள்; சூழியானைக் குலச்
சிறையும் - முக படாத்தையுடைய யானையையுடைய குலச் சிறையாரும்,
அஃது அறிந்து தச்சர் பலரைத் தொகுவித்து - அதனை யறிந்து பல
தச்சர்களைக் கூட்டி, காழின் நெடிய பழுமரத்தில் - வயிர முடைய நீண்ட
முதிர்ந்த மரங்களில், சூல வடிவாய்க் கழு நிறுவி - சூலவடிவாகக் கழுக்களை
நிறுத்தி, பாழி நெடிய தோள் வேந்தன் முன்னே கொடு போய்ப் பரப்பினார்
- வலிய நீண்டதோளையுடைய பாண்டி மன்னன் முன்னே அவற்றைக்
கொண்டு போய்ப் பரப்பினார். (47)

     (இ - ள்.) தேறலாதார்தமை - மெய்ப்பொருளை யறியாத
அச்சமணர்களை, காழிச் செம்மல் நோக்கி - கீகாழித் தோன்றலாகிய
பிள்ளையார் பார்த்து, இனி வம்மின் - இனியேனும் இங்கு வருவீராக; நீறு
பூசிக்கண்டிகையும் பூண்டு - திரு நீறு தரித்து உருத்திராக்க மாலையையும்
அணிந்து, நிருத்தர் எழுத்து ஐந்தும் ஊற ஓதி - திருக்கூத்தருடைய
திருவைந்தெழுத்தையும் நாவிற் சுவையூற ஓதி, பாசம் ஒழித்து உய்மின்
என்னா - பாசபந்தத்தை ஒழித்துப்பிழையுங்கள் என்று, அறம் நோக்கிக்
கூறினார் - அற நெறியை நோக்கிக் கூறியருளினார்; அது கேட்டு குண்டர்
எரியில கொதித்து உரைப்பார் - அதனைக் கேட்டு அக்கீழ்மக்கள்
நெருப்பைப்போலச் சினந்துரைப்பாராயினர்.

     தேறலாதார் - தெளிவில்லாதவர்; பகைமையுடையார் என்றலுமாம். ஊற
ஓதி - பயில ஓதி என்றுமாம். (48)