குற்றமில்லாத கோமயத்தை வாரிப் பூசினார்; இதுவும் கிட்டாது ஒழிபவர் -
இதுவுங் கிடைக்காம லொழிபவர், ஆவின் கன்றைத் தோளில் இட்டு
உயிரைப் பெற்றார் - பசுவின் கன்றினைத் தோளிற் றாங்கி உயிரைப்
பெற்றனர். (61)

     (இ - ள்.) கூறிட்ட மூன்றும் கிட்டாது அயர்பவர் - இங்குக் கூறிய
மூன்றுங் கிடைக்காமல் வருந்துபவர், குற்றம்தீர நீறு இட்டார் நெற்றியோடும்
- குற்றம் நீங்கத் திருநீறிட்டவரின் நெற்றியோடும், நிருமல கோமயத்தின்
சேறு இட்டார் நெற்றியோடும் - தூயகோமயக் குழம்பினை யிட்டவரின்
நெற்றியோடும், நெற்றியைச் செறியத் தாக்கி - தமது நெற்றியைப் பொருந்தத்
தாக்கி, மாறு இட்ட பாசம் தன்னை மறித்திட்டு - தம்மோடு மாறுதலைக்
கொண்ட பாசத்தளையைப் போக்கி, பிறப்பை வெல்வார் - பிறப்பினை
யொழப்பார்கள்.

     கூறிட்ட - கூறிய, மாறிட்ட - மாறு கொண்ட, மறித்திட்டு -
மடங்கச்செய்து, வலியை அழித்து என்றபடி, திருநீற்றுச் சார்புற்றமையால்
பாசத்தை நீக்கிப் பிறப்பை யொழிப்பாராயினர் என்க. (62)

     (இ - ள்.) இவர் தம்மை ஊற்றம் செய்திலர் - இன்னோரைச்
சிவவேடத்தினர் ஊறு செய்யாது விட்டனர்; மடிந்தோர் யாரும் -
இறந்தவரனைவரும், சுற்றிய சேனம் காகம் நரிகள் நாய் தொடர்ந்து -
சூழ்ந்த பருந்தும் காக்கையும் நரிகளும் நாய்களுந் தொடர்ந்து, கௌவிப்பற்றி
நின்று ஈர்த்துத் தின்னக் கிடந்தனர் - வாயாற் கௌவிப் பிடித்து நின்று
இழுத்துத் தின்னக் கிடந்தனர்; பருமம் யானை வெற்றிகொள் வேந்தன் -
கவச மணிந்த யானையை யுடைய வெற்றி பொருந்திய பாண்டிய மன்னன்,
காழி வேந்தரைத் தொழுது நோக்கா - காழி மன்னராகிய பிள்ளையாரை
வணங்கி நோக்கி.

     மற்று, அசை, ஊற்றம் - ஊறு. (63)

     (இ - ள்.) இன்று நீர் இட்ட ஏடு - இப்பொழுது நீர் போட்ட
ஏடானது, யாவரும் காண நேரே சென்றதே எங்கே என்றான் - அனைவரு
மறிய நேரே போயிற்றே அஃது எங்கே என்று வினவினான்; வாது வென்றவர்
- வழக்கில் வெற்றிபெற்ற பிள்ளையார், செம்பொன்கூடல் மன்றவர் அருளால்
- சிவந்த பொன்மயமாகிய கூடலில் வீற்றிருக்கும் வெள்ளியம்பலவர்
திருவருளால், யாம் அதனை இன்னே வருவிப்பமென்று - யாம்
அவ்வேட்டினை இப்பொழுதே வருவிப்போமென்று கூறியருளி, நதியின்
மாடே மேற்றிசை நோக்கிச் செல்வார் - ஆற்றின் கரையிலேயே
மேற்றிசையை நோக்கிச் செல்வாராயினர்.