நேரே சென்றது - எதிர்த்துச் சென்றது. (64)

     (இ - ள்.) செல்லுநர் காண - அங்ஙனம் போகின்றவர் காணுமாறு,
காவதம் செல்வது ஓலை - ஒரு காவததூரஞ் சென்றதாகிய அவ்வேடு,
அப்பால் அங்கு ஒல்லை ஒளித்தலோடும் - பின் அவ்விடத்தில் விரைந்து
மறைந்த வளவில், வியந்து - வியப்புற்று, அவண் ஒருங்கூடி - அங்கு
ஒருசேரத் திரண்டு, கொல்லை ஆன் மேய்த்து நின்றார் சிலர்தமைக் குறித்து
- முல்லைநிலப் பசுக்களை மேய்த்து நின்குஞ் சிலரை நோக்கி,
இவ்வெல்லையுள் விசேடம் உண்டோ - இந்த எல்லைக்குள் வியக்கத்தகும்
நிகழ்ச்சி ஏதேனும் உண்டோ, இவண் கண்டது நீர் இசைமின் என்றார் -
இங்குக் கண்டதை நீவிர் கூறுமின் என்று வினவினர்.

     கூடி மேய்த்து நின்றார் எனவும், நீர் இவண் கண்டது இசைமின்
எனவும் இயைக்க. விசேடம் - புதுமை. (65)

     (இ - ள்.) அவ்விடைச்சிறார்கள் - அந்த இடைச்சிறுவர்கள், யாங்கள்
ஒன்றையும் அறியேம் என்ன - யாங்கள் ஒரு நிகழ்ச்சியையும் அறியேம்
என்று கூற, இவ்விடை எத்திறத்தும் விசேடம் காணல் வேண்டும் என்னா -
இவ்விடத்தில் எவ்வகையாலேனும் ஒரு விசேடங் காண வேண்டுமென்று,
தெவ் இடைவாது செய்ய - பகைவராகிய சமணரிடத்து வழக்குப் புரிதற்கு,
திருவுளக் கருணை செய்த - பகைவராகிய சமணரிடத்து வழக்குப் புரிதற்கு,
திருவுளக் கருணை செய்த - திருவுளம்பற்றி அருள்செய்த, வெவ்விடைக்
கொடியினாரை - விரைந்த செலவினையுடைய இடபக் கொடியை யுயர்த்திய
சிவபெருமானை, வேதநாவார் பாடினார் - தமிழ் வேதம் பாடும்
நாவினையுடைய பிள்ளையார் திருப்பதிகம் பாடினார்.

     காணல் வேண்டும் என்னாப் பாடினார் என இயைக்க. பாடிய பதிகம்.