இறந்தன்றோ தப்பினர்; அந்தோ - ஐயோ, இது அன்றோ அரியதிலும்
அரியபயன் - இதுவல்லவா அரிதினும் அரிதான பயன்; அவர் போல் எவர்
பெற்றார் - அவர் பெற்றது போல வேறுயார் பெற்றனர்.

     வரிசை மருமகன் - பாராட்டிற்குரிய மருமகன். அறைபோய மனம் -
அறிவின்றிப் புரைபட்ட மனம்; தானும் உயிர் துறவாது இருத்தற்கு நொந்து
‘நான் அறை போய மனத்தோடிங்குப் பரிவுறலும்’ என்றாள், நோக்கின் என
ஒரு சொல் விரித்துரைக்க. பிழைத்தார் - துன்பத்தினின்றும் தப்பினார்,
‘நோற்ற பயன் நன்றாகப் பலித்தது, என்பதும், ‘அரியதிலுமரியபயன் இது’
என்பதும், ‘எவர் பெற்றார் அவர்போல்’ என்பதும் குறிப்பினால்
எதிர்மறைப்பொருள் பயப்பன. அந்தோ, அம்மா என்பன இரக்கப் பொருளில்
வந்த இடைச் சொற்கள். (22)

     (இ - ள்.) உன் காதல் மாமன் எனைப் பயந்த அன்றே - உனது
அன்புள்ள மாமன் என்னைப் பெற்ற காலத்திலேயே, உறவு அறிய உனக்கே
பேசி - சுற்றத்தாரறிய உனக்கே மணஞ் செய்து கொடுப்பதாகப் பேசி, பின்
காதல் மனைவியொடும் உயிர் இழந்தான் - பின்பு தன் அன்புள்ள
மனைவியொடும் உயிர் நீத்தனன்; யானும் அந்தப் பெற்றியாலே - யானும்
அந்தத் தன்மையினாலே, உடன் இறப்பேன் - நின்னுடன் இறப்பேனாவேன்;
என் காதல் உயிர்போக - என் காதலுள்ள உயிராகிய நீ சென்று விட, வெறு
உடம்போ இருக்கும் என்னா - உயிரற்ற உடம்பாகிய யானோ இங்கிருப்பேன்
என்று கூறி, தமியள் ஆனாள் - துணையற்றவளாகிய அவ்வணிக மங்கை,
தன் காதல் துணை இழந்த அன்றில் என இருந்து அழுதாள் - தனது
காதலுள்ள ஆணன்றிலை இழந்த அன்றிற்பேடுபோல இருந்து அழுதனன்.

     உறவு - உறவினர்க்காயிற்று. (23)

     (இ - ள்.) நல் நகர் உறக்கம் நீங்கி நடுக்கமுற்று அழுங்க - அந்த
நல்ல நகரி லுள்ளவர்கள் துயில் நீங்கி நடுங்கி வருந்தா நிற்க, காழித்தென்
நகர்ஞானச் செல்வர் - சீகாழியாகிய அழகிய நகரின்கண் அவதரித்த
சிவஞானச் செல்வராகிய ஆளுடைய பிள்ளையார், சிவன் நகர் தொறும்
போய்ப்பாடி - சிவபிரான் எழுந்தருளிய திருப்பதிக டோறுஞ் சென்று பதிகம்
பாடி, அந்நகர் அடைந்தார் - அத்திருப்பதியை யடைந்து, அங்கு ஓர்
அணிமடத்து இருந்தார் - அங்கு ஒரு அழகிய மடத்தின்கண் இருந்தவர்,
கேட்டு - இவ்வழுகை யொலியைக் கேட்டு, ஈது என்னென ஆள்விட்டு
ஆய்ந்து - இஃது என்னவென்று ஆள்விட்டு ஆராய்ந்து தெரிந்து கொண்டு,
கோயிலினிடை வந்தெய்தி - கோயிலின் பக்கல் வந்து சேர்ந்து.