ஆளுடையபிள்ளையார்க்குச் சில நூற்றாண்டுகளில் முன்னும்
இத்தகைய தொரு சரிதம் நிகழ்ந்துள தென்பது கடைச்சங்க காலத்ததாகிய
சிலப்பதிகாரத்து வஞ்சினமாலையில், காவிரிப்பூம்பட்டினத்தி லிருந்த கற்புடை
மகளிரைக் கண்ணகி யெடுத்துரைக்குமிடத்து

என்று கூறியிருத்தலால் அறியப்படும். சிலப்பதிகாரம் கூறும் நிகழ்ச்சியும்
திருவிளையாடற்புராணங் கூறும் நிகழ்ச்சியும், சிறிது வேறுபாட்டுடன்
காணப்படினும் வன்னிமரம் முதலியவற்றைச் சான்றாகக் காட்டினள்
என்பதனை உன்னின் இரண்டும் ஒன்றே போலுமெனக் கருதுதல்
இழுக்காகாது. ஆனால், இரு திருவிளையாடற்புராண ஆசிரியரும் இதற்கு
மாறுபட்ட கருத்தினர் என்பதில் ஐயமில்லை. அவர்கள் கருதுமாறு
திருப்புறம்பயத்தில் விடந்தீர்த்தது ஆளுடைய பிள்ளையாரேயாயின்
சிலப்பதிகாரம் குறிப்பிடும் வரலாறு அதனின் வேறாய தொன்றாகும். (32)

     (இ - ள்.) இளங்கோ மன்னன் - வணிகர் தலைவன், ஏவல் செய்
ஆயத்தாரும் அடியரும் - பணிபுரியும் மகளிர் கூட்டமும் ஏவலாளரும்
நெருங்கிவர, ஈண்டிக் காவல் செய் மதுரைமூதூர் குறுகி - (காவலாளர்)
நெருங்கிக் காவல்புரியும் மதுரையாகிய பழம்பதியினை யடைந்து, தன் காதல்
மாமன் பூவையை மணந்த வண்ணம் கேட்டு - தனது அன்புள்ள மாமன்
புதல்வியை மணந்த தன்மையைக் கேட்டு, அங்குப் புடைசூழ் சுற்றம் யாவரும்
உவப்ப - அங்கு வந்து அருகிற் சூழ்ந்த சுற்றத்தா ரனைவரும் மகிழ,
இன்புற்று இருந்தனன் - இன்பமெய்தி இருந்தனன்.

     மன்னர் பின்னோராகிய வணிகர் இளங்கோக்கள் எனப்படுதற்
குரியராகலின் 'இளங்கோ மன்னன்' என்றார். (33)

     (இ - ள்.) தன்பெருந் தனமும் மாமன் ஈட்டிய தனமும் ஈட்டி - தனது
பெரும் பொருளையும் மாமன் தேடிவைத்த பொருளையும் ஓரிடத்திற்
றொகுத்து, மன் பெரு நிதிக்கோன் என்ன - நிலைபெற்ற பெரிய
குபேரனைப்போல, வாணிகம் பெருக்கி - வாணிகத்தாற் பொருள் பெருக்கி,
நாய்கன் - அவ்வணிகன், இன்புறு காதலார்கள் இருவரும் ஈன்ற - இன்ப
மிக்க காதலையுடைய இரண்டு மனைவியரும் பெற்ற, காதல் நன்பொருள்
மகிழச்சி செய்ய - அன்புள்ள மக்கள் மகிழ்ச்சியை விளைக்க, நலம் பெற
வாழும் நாளில் - நலமாக வாழுங்காலத்தில்.      நிதிக்கோனென்ன ஈட்டி
என்றியைத்தலுமாம். பொருள் - பிள்ளை, "தம்பொரு ளென்ப தம்மக்கள்"
என்னும் குறளும்,