இடத்தாள் நீட்டி - அண்டந் தொளைபடுமாறு இடதுகாலை நீட்டி, அற்புதன்
ஞானவடிவினனாம் இறைவன், காளி தோற்க ஆடியது இது - காளி
தோல்வியடைய ஆடியருளிய திருவாலங்காடு இது; மாநீழல் - மாமரத்தின்
நிழலில், கற்புடை ஒருத்தி நோற்கும் பிலம் இது காண்மின் காண்மின் -
கற்புடைய காமாக்ஷியம்மை தவஞ் செய்யும் பிலத்துவாரமாகிய காஞ்சிபுரம்
இது பாரும் பாரும்.

     பாகம் பார்த்தல் - சுவை பார்த்தல்; ஈண்டுத் திருவமுது செய்தல்
என்னும் பொருட்டு. கண்ணப்பர் ஊனினை மென்று அளித்தமையை

என்னும் பெரியபுராணச் செய்யுளா னறிக. இத்தலம் பாம்பும் யானையும்
வழிபட்டமையால் காளத்தி யென்னும் பெயர் பெற்றது; விராட் புருடனுக்கு
விசுத்தித்தானமாகவும், ஐம்பூதத் தலங்களுள் வாயுத்தலமாகவும், தென்
கயிலாயம் என்று சிறப்பிக்கப் பெறுவதாகவும் உள்ளது; அன்பு பிழம்பாகிய
கண்ணப்பர் ஆறுநாளிலே முத்தி பெற்று இறைவற்கு வலப்பாகத்தில்
எழுந்தருளியிருக்கும் பெருமையுடையது; மூவர் தேவாரமும் பெற்ற
தொண்டைநாட்டுத் திருப்பதிகளுள் ஒன்று. அற்புதன் காளி தோற்க ஆடியது
- சிவபெருமான் தம்மோடு வாது செய்த காளியை ஊர்த்துவ தாண்டவம்
புரிந்து தோல்வியுறுவித்த தலம்; திருவாலங்காடு; ஐந்து மன்றங்களுள் வடக்கி
லுள்ளதாகிய இரத்தின மன்றம்; காரைக்காலம்மையார் தலையாலே நடந்து
வந்து இறைவனுடைய திருவடிக்கீழ் என்று மிருக்கும் பெருமை சான்றது;
மூவர் தேவாரங்களுடன் அம்மையார் பாடிய பதிகங்களும் பெற்றுள்ள
தொண்டை நாட்டுத் திருப்பதி; இஃது அடுத்துள்ள பழையனூருடன் சேர்த்துப்
பழையனூ ராலங்காடு என்று பதிகங்களிற் கூறப்பெற்றுள்ளது.
காரைக்காலம்மையார் தலையால் நடந்து வந்து பதிகங்கள் பாடித்
திருவடிக்கீழ் இருத்தலை,