வரலாற்றை வரகுணனுக்குச் சிவலோகங் காட்டிய படலத்தா னறிக. இப்பதி
தமிழில் திருவிடை மருதூர் எனவும், வடமொழியில் மத்தியார்ச்சுனம் எனவும்
கூறப்படும். வடக்கே மல்லிகார்ச்சுனமும் தெற்கே புடார்ச்சுனமும் இருக்க
இஃது இடையே அமைந்தமையின் இப்பெயரினதாயிற்று என்ப; தைப்பூசத்
தீர்த்த விசேட முடையது; இது,

எனத் தேவாரத்திலும் குறிக்கப்பெற்றுளது. இது மூவர் தேவாரமும் பெற்ற
சோணாட்டுத் திருப்பதி. மாமகம் - பன்னிரண்டாண்டிற் கொருமுறை
வியாழன் சிங்கவிராசியில் இருக்குங் காலத்து வரும் மாசி மகம். அகம் -
பாவம். யாவர் பாவத்தையும் போக்கும் கங்கை தன்னை யடைந்த
பாவத்தைப் போக்குதற்கு வந்து முழுகும் மாமக தீர்த்தத்தையுடைய பதி
யெனத் தீர்த்தவிசேடம் கூறியவாறாயிற்று. உபலக்கணத்தால் ஏனைய
புண்ணிய நதிகளும் கொள்க;

என்றும்,

என்றும் திருக்குறுந்தொகையுள் வருதல் காண்க.

     புனிதநீர்ப் பதி - திருக்குடமூக்கு; இது கும்பகோணம் எனவும், திருக்
குடந்தை எனவும் கூறப்படும்; ஒரு பிரளய வெள்ளத்தில் எல்லா
வுயிர்களையும் சேமித்து இட்ட குடத்தின் மூக்கு இருந்த இடமாதலின்
இப்பெய ரெய்திற்று என்ப; இது திருஞானசம்பந்தர், திருநாவுக்கரசர் என்னும்
இருவர் பாடல் பெற்ற சோணாட்டுத் திருப்பதி. (25)

     (இ - ள்.) குருமொழி தந்தைக்கு ஈந்து எம்குரு உறைமலை ஈது -
உபதேச மொழியினைத் தன் தந்தையாருக்கு அருளி எமது குருவாகிய
சாமிநாதன் உறையும் சுவாமிமலை இதுவாகும்; கருமுகில் வண்ணத்து
அண்ணல் - கரியமுகில் போன்ற நிறத்தினையுடைய திருமால், கண் இடந்து
அடியில் சாத்த - கண்ணைத் தோண்டித் திருவடியிற் சாத்த, பொருவிறல்
ஆழிஈந்த எங்கோன் புரம் இது - பொருதற் குரிய வலியினையுடைய திகிரிப்
படையை அளித்தருளிய எமது சிவபெருமான் எழுந்தருளிய திருவீழிமிழலை
இதுவாகும்; நந்தி - திருநந்தி தேவர், எந்தை திருஉரு அடைய நோற்றதலம்
இது தெரிந்து காண்மின் - எமது தந்தையாகிய சிவபெருமான்
திருவுருவத்தைப் பெறுதற்குத் தவம்புரிந்த திருவையாறென்னும் இப்பதியினை
ஆராய்ந்து காணுங்கள்.