(இ - ள்.) வெம் கரி ஆவி சோர - (சமணரேவிய) கொடிய
யானையின் உயிர் நீங்க, நரசிங்கவாளி விடு வேடர் ஏறு சரணம் - நரசிங்க
பாணத்தை விட்ட வேடரேறு போலுந் திருக்கோல முடையவனே
அடைக்கலம்; புங்கவர் தேற - கண்ணுவர் முதலிய முனிவர்கள் தெளிய,
ஆதி மறையுள் கிடந்த பொருள் ஓது போத சரணம் - முதனூாகிய
வேதத்தினுள் மறைந்து கிடந்த பொருளை அருளிச் செய்த ஞான
வடிவினனே அடைக்கலம்; வங்கமது ஏறி - தோணியில் ஏறி, வேலை மகரம்
பிடித்த - கடலிலுள்ள சுறாமீனைப் பிடித்த, வலையாள் மணாள சரணம் -
நெய்த னிலத் தலைவன் புதல்வியாகிய இறைவியை மணந்த மணவாளனே
அடைக்கலம்; கங்கண நாகம் வீசி நகர் எல்லை கண்ட - கையிற்
கங்கணமாகிய பாம்பை விடுத்து நகரின் எல்லையைக் காட்டி யருளிய,
கறைகொண்ட கண்ட சரணம் - நஞ்சக் கறையினைக் கொண்டருளிய
திருமிடற்றினை யுடையவனே அடைக்கலம்.

     வங்கமது, அது பகுதிப்பொருள் விகுதி. மகரம் பிடித்த வலையாள்
மணாள - மகரத்தைப் பிடித்து அதனால் வலையாளை மணந்த மணாள
என்க. (44)

     (இ - ள்.) மைந்தனில் - புதல்வனாகிய உக்கிரகுமார வழுதியினால்,
ஆழி மேரு மகவான் அகந்தை மடிவித்த நித்த சரணம் - கடலின்
செருக்கையும் மேரு மலையின் செருக்கையும் இந்திரன் செருக்கையும்
அழித்தருளிய அழிவில்லாதவனே அடைக்கலம்; சுந்தர நாமவாளி
பணிகொண்டு - சுந்தரப் பேரம்பினை ஏவல்கொண்டு, கிள்ளி தொகை
வென்ற வீர சரணம் - விக்கிரம சோழனுடைய படைத் தொகுதியை
வென்றருளிய வீரனே அடைக்கலம்; வெந்திறல் மாறன் முன் - மிக்க
வலியினை யுடைய அபிடேக பாண்டியன் முன்னர், கல் உரு ஆனை
கன்னல் மிசைவித்த சித்த சரணம் - கல்லானைக்குக் கரும்பினை அருத்திய
சித்தனே அடைக்கலம்; முந்திய கல்லின் மாதர் அட்டசித்தி பெற - முற்பட்ட
கல் வடிவாகக் கிடந்த இயக்கிய ரறுவரும் அட்டமாசித்திகளையும் அடைய,
முயல்வித்த யோகி சரணம் - செய்வித்த யோகியே அடைக்கலம். (45)

     (இ - ள்.) மைந்தன் மைந்தன் முடிசூட - வீரபாண்டியன்
புதல்வனாகிய அபிடேக பாண்டியன் முடி சூடும் பொருட்டு, திருமணி விற்ற
திருமல்கு செல்வ சரணம் - சிறந்த மாணிக்கங்களை விற்ற சிறப்பு மல்கிய
செல்வனே