அன்ன, அகரச் சுட்டின் றிரிபு. தாழ் வோனாகிய தென்னன் எனக்
கூட்டுக. சண்பகசுந்தரர் என்று பெயர் கூறி வணங்கினன் என்க. (7)

     (இ - ள்.) அணிக்கூடல் முன்னவர் - அழகிய கூடலில் எழுந்தருளிய
முதல்வராகிய சோமசுந்தரக்கடவுள், இன்றும் அன்னது ஓர் நாமம் பெற்றனர்
- இதுபோதும் அந்த ஒரு திருநாமத்தைப் பெற்றார்; அந்தத் தாமம் - அந்தச்
சண்பக மாலைகளை, அவர் முடிக்கு ஏற்றும் இன்னதொர் நீரால் - அவரது
திருமுடிக்கு ஏற்றும் இத்தன்மையால். வங்கிய சூடாமணியும் - வங்கிய
சூடாமணி என்னும் பாண்டியனும். சண்பக மாறன் என்றே பேர் மன்னி
விளங்கினன் - சண்பக பாண்டியன் எனப் பெயரெய்தி விளங்கினன்.

     அன்னது, இன்னது என்பன சுட்டுத் திரிபுகள். ஒர், விகாரம்.
இறுதியிலுள்ள உம்மை எச்சவும்மை. (8)

     (இ - ள்.) சண்பகமாறன் - சண்பகபாண்டியன், சண்பக சுந்தரர்
தம்மாடு - சண்பக சுந்தரரிடத்து, நண்பு அகம் மாறா நன்பணி செய்யும்
நல்நாளில் - அன்பு உள்ளத்தினின்றும் நீங்காமல் நல்ல திருப்பணி
செய்துவரும் நல்ல நாளில், பண்பகர் சொல்லார் தம்புடை - பண்ணும்
புகழுஞ் சொல்லினையுடைய மகளிரிடத்து, மாரன் படுபோர் மூண்டு -
மதவேள் மிக்க போர்த்தொழிலின் மூண்டு, எண்பக எய்வான் ஆகிய -
அளவிறப்ப அம்புகளை எய்ய, இளவேனில் வந்தன்று - இளவேனிற்காலம்
வந்தது.

     நண்பு - நண்ணுதல் என்றுரைப்பாருமுளர். பண்பகர் சொல்லார்
என்பதற்குப் பண்போலப் பகர்கின்ற சொல்லார் என்றும், கேட்போர்
பண்ணென்று கூறும் சொல்லினையுடையார் என்றும் உரைத்தலுமாம்;
எண்பக என்பதற்கு நெஞ்சுபிளக்க என்றுரைத்தலும் ஆம். எய்வானாகிய,
ஒருசொல்; செய்யிய வென்னும் வினையெச்சம். வந்தன்று, உடன்பாட்டு
முற்று. (9)