என்னும் சிவஞான சித்தியார்த் திருவிருத்தங் காண்க. (84)

     (இ - ள்.) எந்தையே - எமது தந்தையே, தந்தை தாய் இலேன் -
தந்தை தாய் அற்றவனாய், தனியனாகிய மைந்தனேன் - ஒரு பற்றுக்கோடு
மில்லாதவனாயுள்ள சிறியேன், புதுவதுவை வேட்கையேன் - கடிமணம்
புரியும் விருப்பமுடையேன்; சிந்தை நோய் செயும் செல்லல் தீர்ப்பதற்கு -
(அது முடித்தற்குப் பொருளின்மையின்) மனத்தை வருத்தும் வறுமைத்
துன்பினை நீக்குவதற்கு, இது பதம் என்று ஏத்தியே - இது தருணம் என்று
கூறித் துதித்து.

     செல்லல் - துன்பம்; வறுமைத் துன்பம். (85)

     (இ - ள்.) நெடிய வேதநூல் நிறைய - உயர்ந்த மறை நூல்கள்
முற்றவும், ஆகமம் முடிய - ஆகமங்கள் முற்றவும், ஓதிய முறையில் நிற்கு
எனும் - ஓதி அறிந்த முறையில் நிற்பேன் எனினும், வடு இல் இல்லற
வாழ்க்கை இன்றி - குற்றமில்லாத இல்லற வாழ்க்கை இல்லாமல், நின் அடி
அருச்சனைக்கு அருகன் ஆவனோ - தேவரீரின் திருவடியை
அருச்சிப்பதற்கு உரியன் ஆவனோ (ஆகேன்).

     வேதநூலை நிறைய ஓதிய முறையில், ஆகமங்களை முடிய ஓதிய
முறையில் எனத் தனித்தனி கூட்டுக. நிற்கு - நிற்பேன். எனினும் என்பது
எனும் என விகாரமாயிற்று. இல்லறவாழ்க்கை உற்றோரே சிவபெருமானை
அருச்சித்தற்குரிய ரென்பது வேதாகமங்களின் துணிபென்பது இதனாற்
பெற்றாம். (86)

      (பா - ம்.) * நிற்பினும். + வடிவில்.