14

15

1841. (இ-ள்.) மனைவியார்...கொள்ளார் - மனைவியார் செய்த அன்பினை மனத்துட் கொள்ளாதவராகி; புனையும் மார்பர் பூணுநூல் புனைகின்ற அழகிய மார்பினையுடைய திருநீலநக்கனார்; தம் பூசனை...நினைவினால் - தமது பூசனையினுள் இத்தகைய செய்கை இங்கு அநுசிதமாகும் என்று எண்ணும் நினைவு கொண்டதனால்; அவர்...நீப்பார் அம் மனைவியார் தம்மைவிட்டு நீங்கும்படி துறப்பாராகி,

44

1842. (இ-ள்.) வெளிப்படை. "மின்போன்று ஒளிவீசுகின்ற நீண்ட சடையினையுடைய விமலராகிய சிவபெருமானுடைய திருமேனியின் மேல்விழுந்த நூற் சிலம்பியை வேறு ஒருவகையினால் தவிர்க்காது, முன்வந் தணைந்து வாய்நீர்படும்படி முயன்றனை; நான் உன்னை இனி ஈங்குத் துறந்துவிட்டேன்" என்று உரைத்தனர்.

45

இந்த இரண்டு பாட்டுக்களும் தொடர்ந்து ஒரு முடிபுகொண்டன.

1841.(வி-ரை.) செய்த அன்பு - அன்பினாற் செய்த செயல். அன்பின் செயலை என்னாது செய்த அன்பினை என்றது, இச்செயலைத் தூண்டிய அன்பே கருதத்தக்கதன்றி, நாயனார் கொண்டதுபோலச் செயல்மட்டிற் காணத்தக்கதன்று என்று குறித்தற்கு.

மனத்தினிற் கொள்ளுதல் - கருதி ஏற்றல். அமைத்துக்கொள்ளுதல்;

பூசனைத் திறத்தில் - அநுசிதமாம் - தாம் செய்த பூசனையின் தூய்மையினைச் சிதைக்கும் தீய செய்கையால்.

அநு சிதம் ந - உசிதம் - உசிதமல்லாது; தகாத செயல். தகுதியன்று என்பதோடன்றி விலக்கத்தக்க தீமையும் பயப்பது என்றது குறிப்பு. அதர்மம் - என்புழிப்போல அ என்னும் நகரம் ஈண்டு மறுதலைப் பொருள்தந்து உசிதத்துக்கு மாறாகிய தீமை என்பது குறித்தது.

தம்மைவிட்டு அவர் அகன்றிட - என்க. நீத்தல் - தமது மனைவியார் என்ற தொடர்பு அறத் துறந்துவிடல்.

நீப்பார் - நீப்பாராகி, எதிர்கால வினைமுற்றெச்சம். நீர்ப்பார் உரைத்தார் என மேல்வரும் பாட்டுடன் முடிக்க.

11

1842. (வி-ரை.) மீன்நெடுஞ்சடை மின் - மின் மின் னும்சடை சடை.

மின்னல் போன்று விளங்கும். "மின்வண்ண மெவ்வண்ண மவ்வண்ணம் கீழ் சடை" (பொன்வ - அந்).

விமலர் - மலமற்றவர் - இயல்பாகவே பாசங்களி னீங்கியவர். விமலராதலின் சிலம்பியைப் பதைப்பின்றி வேறுவகையாற்றவிர்க்கலாமென்பது குறிப்பு விமலராதலின் அன்பினால் வாய்நீர்பட. ஊதித் துமிதலால் அநுசிதப்படார் என்பதும் போதருதலின், அதனைத் தாமே மறந்து கூறினார் என்ற குறிப்பும்பட உரைத்த நயம் கருதுக.

நூற்சிலம்பி - நூல் நூற்கும் இயல்புடைய சிலம்பி.

வேறொரு பரிசு வாய்நீர்பட ஊதித் துமிதலன்றி வேறு செயல் வகை.