(இ-ள்.) மகட்கொடையின்.......கொடுத்ததன்பின் - மகளை மணஞ்செய்து கொடுத்த அதனால் மிகவும் மகிழ்ச்சி பெருகுதற்கேதுவாக அளவில்லாத தனங்களையெல்லாம் (தனதத்தன்) கொடுத்ததன் பின்னர்; நிகர்ப்பரிய....குலமகனும் - ஒப்பற்ற பெருஞ்சிறப்பினையுடைய நிதிபதியின் மகனாகிய பரமதத்தனும்; தகைப்பில் பெரும்....மேவினான் - அடங்காத பெருவிருப்பினால் மனையில் தங்கியபடி இல்வாழ்க்கையின் வரும் எல்லா வளங்களையும் தனது மரபுக்கேற்ற முயற்சிகளால் பெருகச்செய்து மிகுதியாக்கும் வாணிபச் செய்கைகளில் மேன்மையடைந்த நிலையைப் பொருந்தினான்.

(வி-ரை.) தனதத்தன் கொடுத்ததற்பின் - என்று எழுவாய் முன் பாட்டிலிருந்து வருவிக்க. அணிமாடம் மருங்கமைத்ததன்றி மற்றும் தணி வாழ்க்கைக்கு வேண்டிய தனங்களை எல்லாம் அளவில்லாது அளித்தனன்.

மகட்கொடை - பெண் கொடுத்த நிலை. மகட்கொடையின் மகிழ் சிறக்கும் வரம்பில் தனம் - வரம்பில்லாத சீதனப்பொருள்கள் என்க. மகிழ் சிறக்கும் தனம் - மகட்கொடை நேர்ந்தபோது உடன் கொடுக்கும் சீதனத்தின் அளவே பெண்கொண்டாருக்கு உளதாம் மகிழ்ச்சியின் அளவும், அது கண்டு பெண் பெற்றார்மகிழும் அளவுமாம் என்பது உலகியல்பிற் காணப்படும் உண்மையாதல் குறிப்பு.

கொடுத்ததற்பின் - இதுவரை மகட்கொடுத்தாரின் செயல் கூறி இனி, மகட்கொண்டார்அதனைப் பயன்படுத்தும் வகையால் கணவன் செயல் மேற்கூறுகின்றார்.

குலமகன் - குலம் - நன்மை என்ற பொருளில் வந்தது.

தகைப்பு - அளவுபடுதல். காதல் - இல்வாழ்க்கையின் விருப்பம் என்ற பொருள் தந்து நின்றது.

மணைவளம்...கொள்கை - மனையின்கண் இருந்தபடியே பெரும் இலாபங்கருதிச் செய்யும் வாணிபம். வீட்டைவிட்டு வெளியே சென்று கலம் ஏறியும், வேற்று நாடு புகுந்தும் பொருள் ஈட்டும் வாணிபமும் இவர்க்கு உரித்தாதலின் வேறாய் அறியப்படுதற்கு மனைவளம் பெருக்கி மிகப் புரியும் என்றார். மற்ற வாணிபம் மேல் 1748 - 1751 வரை பாட்டுக்களிற் காண்க. பெருக்கி மிகப் புரியும் பொருகச் செய்து அப்பெருக்கு மேன்மேலும் மிகும்படியும் செய்கின்ற கொள்கை. குறித்த வாணிபம் என்ற பொருளில் வந்தது.

13

14

15

16