11

(இ-ள்.) தொலைவில்....தொண்டனார் - அளவில்லாத தவஞ்செய்த தொண்டராகிய திருநீலநக்கர்; சுருதி...காலை - வேதங்களை முதலாகக் கொண்டு வரும் எல்லாக் கலைகளும் எடுத்துக்கூறும் உண்மைப்பொருளாகிய திருவைந்தெழுத்தினையும் எண்ணுகின்றபொழுது; நிலையின் நின்று.... சிலம்பி - ஓரு சிலந்திதான் நின்ற நிலையினின்றும் வழுவியதனால் நீண்ட பொன் மேருமலையினை வில்லாக உடைய சிவபெருமானது அருட்குறியாகிய சிவலிங்கத் திருமேனியின் மேல் விழுந்தது.

(வி-ரை.) தொலைவு இல் - தொலைவு - ஈண்டு அளவு என்ற பொருளில் வந்தது.

தவம் செய் தொண்டனார் - என்க. முன்பு செய்தவம் என்றலும் குறிப்பு. "தவமும் தவமுடையார்க் காகும்" (குறள்).

கருதியே...எழுத் தஞ்சும் - சுருதியே முதலாம் - சுருதி சிவன் அருளிய வேதம். ஏகாரம் தேற்றம். முதலாம் - முதலாகக் கொண்ட. கலையின் உண்மை ஆம் - சுருதியின் உண்மையைக் கலைகள் விளங்கி நிற்றலின் இவ்வாறு கூறினார். உண்மை - ஈண்டுக் குறிக்கப்படும் உள்ளீடாகிய உறுதிப்பொருள் என்றபொருளில் வந்தது. எழுத்தஞ்சு - சீபஞ்சாக்கரம்; கணித்தல் - எண்ணுதல். உண்மை விளக்கம் 30 - 44 திருப்பாட்டுக்களும்; பிறவும் பார்க்க. இதுபற்றி முன் ஆண்டாண்டுரைத்த வையும் கருதுக.

முன் நிலையினின்று வழுவிட - என்க. இருந்த நிலையினின்று வழுவியதனால் வழுவிட - நிலைதவறியிட.

திருமேனி - இலிங்கத்திருமேனி; சிலம்பி - சிலந்திப்பூச்சு; சுதைச்சிலம்பி என்னும் இது. தீண்டிய இடமெல்லாம் கொப்புளாக்கும் விடத் தன்மையுடையதொரு வகைப்பூச்சி (1840).

11

12

(இ-ள்.) விழுந்தபோதில் - அவ்வாறு சிலம்பி விழுந்தபோது; அங்கு...அச்சமோடு - அவ்விடத்துப் பக்கத்திலே நின்ற மனைவியார் விரைவாக எழுந்த பயத்துடனே; இளங்குழவியில்...போல - இளங்குழவியின்மேல் விழுந்த சிலந்தி ஒழியவும் அதன் விடத்தின் தீங்கு நீங்கவும் ஊதி முன்துமிக்கும் தாய்போல; பொழிந்த...போக - பொங்கிமேல் பொழிந்த அன்பினாலே ஊதித் திருமேனி மேனின்றும் அச்சிலம்பி போகும்படி மேலே துமிந்தனர்.

(வி-ரை.) அங்கு அயல் நின்ற - அவ்விடத்து நாயனார் திருவைந்தெழுத்தை இறைவரை நோக்கியிருந்து கணிக்கின்ற அவ்விடத்தின் பக்கத்தில் நின்றுகொண்டிருந்த. அயல் நிற்றல் - நாயகர் செபிக்கின்றபோது தாம், இந்நாளிற் பலரும்செய்தல்போல, வேறிடத்தகலாமலும், வேறு செயல் செய்யாமலும், அச்செயலிலே பங்கு கொள்பவர்போல உடனே நின்று தாமும் இறைவரை நோக்கிக் கணித்து