திருச்சிற்றம்பலம்

பறிக்கும் - என்பது பாடம்.

திருவடியின் தன்மைகளைப்பற்றித் துதிக்கின்றமையால் இப்பெயரால் வழங்கப்படும். அடி என்பது திருவருணிறைவு; உபசாரம். -(1) அரவணையான் - திருமால். சிந்தித்தரற்றும் "நாகப் பள்ளிகொள் வானுள்ளத் தான்." அருமறையான் - பிரமதேவன். சரவணத்தான் - முருகக்கடவுள்; கைதொழுது சாரும் - திருச்சேய்ஞலூரிலும் திருச்செந்திலிலும் முருகப்பெருமான் சிவபூசை செய்த வரலாற்றைக் கந்த புராணம் பேசும் - (2) குறைந்தடைந்தார் - வணங்கி விண்ணப்பிப்பவர். -(3) வைதெழுவார் காமம் பொய் போகா - கைதெழுதல் - குற்றங்கள் போலக் கூறிப் போற்றும் வகை. "குணங்கள் சொல்லியுங் குற்றங்கள் பேசியும், வணங்கி வாழ்த்துவ ரன்புடையாரெலாம்" (கடம்பூர் - 6) என்ற குறுந்தொகையும், "மழைதரு கண்டன் குணமிலிமானிடன் றேய்மதியன், பழைதரு மாபரனென்றென் றறைவன் பழிப்பினையே", "பிச்சனென் றேசுவனே" (நீத் - விண் - 46 - 49) என்ற திருவாசகமும் முதலியவை காண்க. காமம் - விரும்பியவை. பொய் போகாமையாவது விரும்பியவாறே பெறுதல். இனி, இவ்வாறன்றி, வைதெழுவார் - என்றதற்கு, "அல்லார் புறங்கூற", "நிச்சம் மலர்தூற்ற", "வசவுணும்" என்றபடி சமணர் முதலாகப் பழிக்கின்ற பிறர் என்று பொருள் கொண்டு, காமம் பொய்போகா என்றதற்கு, அவர்களது தீமை பொய்க்காது அவர்களையே சார என்று உரைப்பினுமமையும். கணக்கு வழக்கு - கணக்காலும் வழக்காலும் அளவுபடுதல். நாம் தொழுதேத்தி நெய் ஆட்டும் - என்க. ஊடறுத்து - அளவுகடந்து மேற்சென்று. -(4) பிழைத்தார் பிழைப்பறிய - பிழை செய்தவர்களுடைய பிழையை அறிய. (6) திருமகட்குச் செந்தாமரை - நிலையாகத் தங்குமிடம். உருவிரண்டு மொன்றோடொன் றொவ்வா - பெண்ணுருவும் ஆணுருவும். -(7) அரைமாத்திரையி லடங்குதல் - பிரணவத்தின் இறுதி மகரவொற்றாகிய அரை மாத்திரை ஒலியினுள் ஒடுங்குதல். அகல - மளக்கிற்பா ரில்லா - (ஆயினும்) தன் அகலத்தை அளக்க வல்லவர்களில்லாத.

திருச்சிற்றம்பலம்

இவை இவை இறைவனுடைய காப்புக்களே என்று பாசுரத்தோறும் முடிவடைவதால் இப்பெயர் பெற்றது. காப்பு - காவல் புரிவது - காவலுள் நிற்பது. ஆகுபெயராய்க் காக்கப்படும் தலம் குறித்தது. ஒவ்வொரு பாசுரமும் கெடில வீரட்டமும் இன்னும் சில தலங்களும் என்று தொடங்குதலால் இத்திருப்பதிகம் திருவதிகைத் தேவாரங்களுள் தொகுக்கப்பட்டது. செல்வப் புனல், சிறையார் புனல், தீர்த்தப்புனல், (தீர்த்தம் - தூய்மை) என்று பலவும் கெடிலத்தின் நீர்ச்