10

திருச்சிற்றம்பலம்

பதிகக் குறிப்பு :- உணரவும் ஒதவும் அரியவனாயினும் இன்னின்ன வகையால் அன்பால் நினையும் அடியவர்கட்கெளியவன் என்று அவனது அரியனாந்தன்மையும் எளியனாந் தன்மையும் கூறுவதும், அவனைப் பேசாத நாட்கள் பிறவாத நாட்கள் அதாவது இறந்த நாட்களோ டெண்ணப்படுவன என்பதும் இப்பதிகக் குறிப்பு. முன்னர் ஆசிரியர் குறித்த "அரியானை - எளியானை" என்றதனால் இவ்வகை காட்டப்பட்டது. மனிதரது வாழ்நாளின் பயனிதுவே எனக் குறித்தலால் இத்திருப்பதிகம் யாவரும் மனத்துள் வைத்துப் பயிலத் தகுந்தது என்பதனை "அவர்தஞ் சிந்தை பிரியாத" என்று உணர்த்தியருளினர் ஆசிரியர்.

பதிகப் பாட்டுக் குறிப்பு :- (1) அரியானை - (ஆயினும்) அந்தணர்தம் சிந்தை யானை என்க. அந்தணர் - அறவோர் - மாமுனிவர். யார்க்கும் - பசுபோதமுடைய எவர்க்கும். கரியான் - உயிர்களின் செயலெல்லாமுள்ளிருந்து சாட்சியாக உணர்கின்றவன். கரி - சாட்சி. கரியான் - திருமால் என்றலுமாம். பிறவா நாளே - இறந்துபட்ட நாட்கள் என்பதனை மங்கல வழக்காகக் கூறியருளியபடி. "உணர்வழியு நாள் - உயிர்போகு நாள் - உயர்பாடைமேற் காவுநாள் இவை ஓவு நாள்" என்று இக்கருத்தையே ஆளுடைய நம்பிகள் விளக்கஞ் செய்தருளியது காண்க. (ஓவுதல் - நிங்குதல்). -(2) அற்றார்க்கும அலந்தார்க்கும - அற்றார் - வேறு துயைற்றவர் தம்மையே சார்ந்து உலகச் சார்பை அறுத்தவர். அலந்தார் - துன்பப்பட்டவர். இறைவரது கருணையின் எளிமை கூறப்பட்டது. அருந்தவர்கள் தொழுதேத்தும் அப்பன் (4), அருந்துணையை அடியார்தம் அல்லல் தீர்க்கும அருமருந்தை ... பெருந்துணையை (5), யாரேனு மடியார்கட் கெளியான் றன்னை (8) என்பனவும் இக்கருத்தை விளக்குவன. - (5) பொது நீக்கி ... வல்லோர் - பிறரோடு இவரும் ஒருவர் என்று பொது நோக்கால் எண்ணாத இவரையே தனிமுதற் பெருங்கடவுள் - பசுபதி - என்று நினைவோர். "எம்பிரான் றம்பிரானாந் திருவுருவன்றி மற்றோர் தேவரெத்தேவ ரென்ன, அருவரா தவரைக் கண்டா லம்மநா மஞ்சு மாறே" (அச்சப் பத்து - 2) என்ற திருவாசகம் இக்கருத்தை வற்புறுத்தி விளக்குவது. - (7) வாளி ... எரியக் கோத்த - வாளி, கோத்த அளவில் நின்றதாக, எரியச்செய்தது பிறிதொன்றா லாயிற்றென்றது குறிப்பு. - (8) துளங்காத சிந்தையராய்த துறந்தோர் - இதற்கு நாயனாரே சிறந்த இலக்கியம். முன்னர் "போகமாற்றிப் பொது நீக்கித் தனை நினைய வல்லோர்" என்றதற்கு மிவ்வாறேயாம். - (9) மரகதம் - தேன் - பால் முதலியவை அருமையானவை யென்று மக்கள் கொள்ளும் பொருள்கள். அவற்றினும் அருமையானவன் என்றபடி. -(10) அண்டத்தப்பால் நின்ற பேரொளி - "அண்ட மாரிரு ளூடு கடந்தும்ப, ருண்டு போலுமொரொண்சுடர்" (தனிக்குறுந்தொகை).