(வி-ரை.) அத்துறை - சமண சமயத் துறை. மீக்கூரும் அமைதி - மேற்படும் சிறப்பு. மீக்கூர்தல் - மேற்படுதல்.

அகலிடத்தில் சித்தநிலை அறியாத தேரர் - அகலிடம் - உலக உண்மைகாணும் நிலை - தத்துவக் கூட்டமாகிய அகன்ற படிக்கிரமத்தில். சித்தநிலை - சித்தமும் சித்தப்பகுதியுமாகிய உட்கரணங்களின் கூட்டமே உயிர் என்பது புத்தர்மதம். உயிரின் உண்மைநிலையை அறியாத தேரர் என்க. அன்றியும் அவர்கள் சித்தத்துள் நிலையராகிய கடவுளின் கொள்கையுமிலாதவர். ஆதலின் இவ்வாறு கூறினார். சித்தநிலை - உறுதிநிலை என்றுரைப்பாருமுண்டு. சித்தர்நிலை சமணர்களில் மிக உயர்ந்த நிலை எனப்படுதலால் இங்குச் சித்தர்நிலை என்ற பொருளில் வந்தது என்று கூறும் ஆராய்ச்சியாளருமுண்டு.

வாதின்கண் உய்தது உணர்வு - வாதம் செய்வதனில் செலுத்திய உணர்ச்சி. தமது சமண சமயத்தின் உயர்வும், அதனை நோக்கப் புத்த சமயத்தின் தாழ்வும் உள்ளத்தில் வைத்து உணர்ந்த மன எழுச்சியினால். உய்த்துணர் வென்பது உய்த்த வுணர்வென வந்ததெனக் கொண்டு, உய்த்துணர்வினால் என்று கூறலுமாம்.

ஒளி உடைய வித்தகர் - ஒளி - அறிவொளி. வித்தகம் - புகழின் மேன்மை. வித்தகம் - ஞானம்; அந்நெறிக்குரிய ஞானங் குறித்தது என்றலுமாம். "அந்நெறியின் மிக்கார்" (1306) என்பது காண்க. தோரையும்-" அந்நெறியிற்புலன் சிறப்ப" (1304) புத்தரையும் வென்று என இறந்தது தழுவிய எச்சவும்மை.

சித்தநெறி - சித்தநிலை நெறியறியாத் - என்பனவும் பாடங்கள்

40

வேறு - (தரவு கொச்சகம்)

41

42

1306. (இ-ள்.) வெளிப்படை. அந்த நெறியில் மேம்பட்டவராய் அவர் ஒழுக, அமைந்த தவமாகிய செந்நெறியில் நிற்கும் திலகவதியம்மையாரும் பழமையாகிய சுற்றத்தின் தொடர்பும் நீங்கத், தூய்மைதரும் சிவ நன்னெறியினையே சேர்வதற்குச் சிவபெருமானது திருத்தாள்களை வழிபடுவாராகி,

41

1307. (இ-ள்.) வெளிப்படை. பெயராத பாசக்கட்டு நீங்கும்படி சிவபெருமானிடத்தே ஆசைப்பட்ட அந்த அம்மையார், நீர்மையால் நிறைந்த திருக்கெடிலத்தின் நீண்ட வடகரையில் நீடுகின்ற பெருஞ்சிறப்பு மிகுந்த திருவதிகை வீரட்டானத்தினைச் சேர்ந்தனர்.

42

இந்த இரண்டு பாட்டுக்களும் தொடர்ந்து ஒரு முடிபு கொண்டன.

1306. (வி-ரை.) அந்நெறி - முன்சொன்ன அமண் சமய நெறி. திருவருட்குச் சேயராய் அயலுமாய்ப் புன்னெறியின் நின்ற அவர் திறங் குறிப்பதற்கும், அங்கு நின்றும் நமது கருத்தை இங்கு அம்மையாரது சரிதநிகழ்ச்சியில் திருப்புவதற்கும் இவ்வாறு சேய்மைச் சுட்டினாற் கூறினார்.