குறிப்பு. "நொந்து நோக்கி" (1627). - (3) சுண்ண வண்ணம் - சுண்ணமாடிய வண்ணத்தையுடையவர். நஞ்சனி - பிறரைக் கொல்லும் நஞ்சினை அணிகலமாகவுடைய. நெஞ்சு...அமுதம் - எண்ணார எண்ணும்போதும் உள்ளே நிறைபவர். - (4) எல்லை நிறைந்தான் - சொல் - பொருள் - எல்லை - அளவு - நிறைந்தவன். "உரையின் வரையும் பொருளின் அளவும், இருவகைப்பட்ட எல்லையும் கடந்து" (கோயினான்). எல்லையாம் ஐயாறு - "கலையின் பொருட்கலெ்லை ஆடும கழலே" (1220). - (5) கனலாகும் கண் - நெருப்புக்கண்; (6) அற்றார் - பற்றற்றார். - (8) அவன் - மகா - வாகக்யிங்களில் தத் பதப்பொருள். முழுமுதல்வனாம் அவன். சிவன் - பவன் - இறைவனது திருநாமங்களுள் மிகச்சிறந்த நாமங்கள். "சிவனெனு நாமம் தனக்கே...பவனெனு நாமம் பிடித்து" - (தேவா.)

1

திருச்சிற்றம்பலம்

பதிகக் குறிப்பு :- திருவையாறு ஆகலாத செம்பொற் சோதியே; நீ ஓசை ஒலியெலாமானாய்; பேசப் பெரிது மினியாய்; பிரானாய் அடியென்மேல் வைத்தாய்; நோவாமே நோக்கருள வல்லாய்; தீர்ப்பரிய வல்வினை நோய் தீர்ப்பாய்; சார்ந்தாரைத் தகைந்தாள வல்லாய்; தீர்ப்பரிய வல்வினை நோய் தீர்ப்பாய்; சார்ந்தாரைத் தகைந்தாள வல்லாய்; மனத்திருந்த கருத்தறிந்து முடிப்பாய்; ஊழி முதல்வனாய் நின்றாய்; கற்றிருந்த கலைஞான மானாய்; பெற்றிருந்த தாயவளி னல்லாய்; நல்லாரை நன்மையறிவாய்; செல்வாய செல்வந் தருவாய்; கண்டாரைக் கொல்லு நஞ்சுண்டாய்; ஆரு மறியா விட்த்தாய்; என்றிவை முதலாகக் குறிக்கப்படும் தன்மைகளா லறியப்படுவர்.

பதிகப் பாட்டுக் குறிப்பு :- (1) ஓசை ஒலி - ஓசை - அநர்த்த சத்தம். ஒலி - அர்த்த சத்தம். பிரானாய் அடி என்மேல் வைத்தாய் - திருவடி தீக்கை செய்த குறிப்பு. இப்பதிக முழுமையும் இக்குறிப்பேபடப் போற்றுதல் காண்க. தேச விளக்கு - உலக விளக்காகிய சுடர்; ஞாயிறு - திங்கள் - தீ. - (2) நோக்கு அருள - அருட்பார்வை செய்ய. - (3) தனத்தகத்து - தன்னகத்து. தனக்கு. மனத்திருந்த கருத்து - கயிலைக் காட்சி காண நாயனார் கொண்ட கருத்து. அறிந்து முடித்தல் என்றது உடனிருந்து உணர்ந்து ஏற்றவாறு கூட்டுவித்தல். பொதுவாய் எல்லா உயிர்களுடைய கருத்து முடிக்கும தன்மையும் குறிப்பது. "மனத்தானை - மனத்திருந்த கருத்தானைக் - கருத்தறிந்து முடிப்பான் றன்னை" (தாண்). சினத்திருந்த - பொங்கிவந்த. - (4) தேவர்களை அடர்த்த. வடகயிலை மன்னி யிருந்தாய் - வடகயிலைக் காட்சியே இங்கு அருளிய குறிப்பு. - (6) செற்றிருந்த - தேவர்களை அடர்த்த. - (7) செல்வாய செல்வம் - திருவருளிற் செலுத்தும செல்வம் - அன்பு. - (9) திண்சிலை...வல்லாய் - திண்சிலை - மேருமலையாகிய வில். திண்மை - வளையாத தன்மை. வல்லாய் என்றது மலையை வளைத்த பிறர்க்கரிய திறல் குறித்தது. - (10) கண்டாரைக் கொல்லு நஞ்சு - தீண்டாமலே, பார்த்த மாத்திரத்தில் அடர்த்துக் கொல்லும் தன்மையுடைய விடம். திருஷ்டி விடம் என்பர் வடவர். பாற்கடலில் எழுந்த பரந்த விடம் காட்சி மாத்திரையால் தேவர்களை அடர்த்தமையால் இவ்வாறு கூறினார். நஞ்சு - நஞ்சினையும்; இரண்டனுருபும்