கழிவில்; மீள் வந்து பிறப்பது உறுதி. பிறந்தால் மறப்பன் கொலோ? - மறு பிறப்பில் மறந்து விடுவேனோ என்ற அச்சக் குறிப்பு. "புழுவாய்ப் பிறக்கினும்" என்று வரங்கேட்டமை காண்க. இதில் பஞ்சாக்கினி வித்தை கூறப்பட்டுள்ளது. - (9) அனகன் - கடவுள். - (10) கல் நெடுங்காலம் வெதும்பி - மலைகள் மழை பெயலில்லாமையால் சூடுபட்டு வெதும்பியதனால். கல் - மலை குறித்தது. கல்லில் மழை மறுத்தமையால் மழையின்றிக் கடலும் சுருங்கிற்று. "நெடுங்கடலுந் தன்னீர்மை குன்றும்" (குறள்). சுருங்கு - சுருங்க. எச்சத்திரிபு. சுருங்கும்படி - மழை மறுக்கினும். சூளறும் - சூளறுத்துச் சொல்லுகின்ற நெஞ்சே அஞ்சல் என்க. அஞ்சாமைக்குக் காரணம் பொற்குன்ற முண்டு என்றவாறு. - (11) காலன், உதைபட்டாலும், பிரம விட்டுணுக்கள் அறியாத திருவடியை அறிந்து பயன் பெற் றிறுமாந்தனன் என்று சுவைபடப் புகழ்ந்த இலேசவணி. பாலன் - மார்க்கண்டேயர்.

பொது - "சிவனெனுமோசை"

திருச்சிற்றம்பலம்

பதிகக் குறிப்பு :- இறைவரது சிவன் என்ற பெயரின் இயல்பினையும், இறைவரதியல்பினையும், இறைவர இறைவியார தியல்பினையும் பலபல திறம்படக்கண்டு போற்றியது.

பதிகப் பாட்டுக் குறிப்பு :- (1) சிவனெனு மோசை யல்லாது உலகில் செம்மையுளது உண்டோ?. உளதே - ஏகார வினா இன்மை குறித்தது. அல்ல துளதே - எதிர்மறை வினா உறுதி குறித்தது. ஒலி என்னாது ஓசை என்றது அச்சத்தமே பயன் தருமென்ற குறிப்பு. அறையோ! - அறைகூவி அழைத்துக் கேட்டவாறு. சொல்வதற்குண்டோ? என்றுரைப்பாருமுண்டு. திரு - முத்தித் திரு. திருநின்ற செம்மை - செம்மை - செம்பொருள். முத்திதரும் செம்பொருள் என்க. நாயனார் சிவனெனு மோசையில் அழுந்தியதுபற்றியே நமச்சிவாயப் பதிகம் எழுந்ததும், "திருநின்ற செம்மையே செம்மையாக் கொண்ட திருநாவுக்கரையன்" என்று திருத்தொண்டத் தொகையுட் போற்றப்பட்டதும் காண்க. உண்ணி - உண்பவன். கரிகாடுகோயில் - "கோயில் சுடுகாடு" (திருவாசகம்). ஓடுகலனாவது - என்க. கலன் - உண்கலம். பெற்றி - வேடம். நீர்மை - அருட்டன்மை. கண்டும் - கண்டவதனால். அகன் நேர்வர் - மனம் பற்றுவர்.-(2) இதில் அல்லர் என்ற பலவும் இறைவர் உலகெல்லாவற்றுக்கும் வேறாந்தன்மை பற்றி போற்றப்பட்டது. விரிகதிர் - மதி - முதலியன எண்வகை மூர்த்தங்கள். இவை