என்று சொல்லி அந்த ஆழ்ந்த கயத்தில் அமிழ்த்துவது போல நிகழ்த்த என்க. நூக்கியிட - நூக்கியிடுதல் போலச் செய்ய. நூக்குதல் - அமிழ்த்தல். நீத்தாய - நீந்தி மிதந்தாலன்றிக் கால்நிலங் கொள்ளலாத ஆழமுடைய. நிலைக்கொள்ளும் - நின்று கொள்ளும். வழித்துறை நீரிற் செல்லும் நல்ல வழியும் நல்ல துறையும். ஒன்று - ஒன்றும். தேவரீர் நன்னெறிகளை அறிவிக்கவும் அறியாது பிற துறையில் வீழ்ந்தேனாதலின் காப்பதனை விட்டு இவ்வாறு சூலையினால் வருத்துகின்றீர்; பிழை செய்யினும் காப்பது பெரியயோர்களின் கடனாயிருக்க இவ்வாறு செய்தல் கேட்டறியாத சொல் என்றபடி. சமயங்கள் பலவும் உயிர்கள் தத்தம் பக்குவபேதப்படி செல்லும் ஒவ்வொரு துறையாவன. அத்துறைகள் தாம், நிலையான - இடிந்து பாழ்பட்டன - வழுக்குவன - முதலை முதலிய கொடிய பிராணிகள் உள்ளன - கீழ்கள் பயில்வன - முதலாகப் பல திறப்பட்டு உயிர்களை வீழ்த்துவனவாம்; ஆதலின் இக்குற்ற மொன்றுமில்லாத வேதநெறியின் மிகுசைவத் துறையே வழித்துறையாவன என்றபடியாம் - (6) உலகத்தார் தலை - வீந்தவர் தலை. இங்குப் பிரமன்றலையையும் குறித்தது. அலந்தேன் - வருந்தினேன். தமிழ் - தமிழ்ப் பாட்டு. உடல் - குடர் குறித்தது - (7) உயர்ந்தேன் மனைவாழ்க்கையும் ஒண்பொருளும் - மனை வாழ்க்கையாலும் அதற்கு உரியவளமாகிய பொருள்களாலும் பெரிதும் தருக்கினேன். ஒண்பொருள் - ஈண்டு ஒண்மை என்றது இல்லறத்துக்கும் ஈகையாதி பசு புண்ணியங்களுக்கும் உதவின தன்மை. தலைகாவல் - மேலிருந்து காக்கும் ஒருவர். இலாமையினால் உயர்ந்தேன் என்று கூட்டுக. வய்ந்தே - இப்போது அதனை நீக்கி உம்வயப்பட்டு. பறித்து - பற்றி இழுத்து. புரட்டி - புரளச் செய்து, அறுத்து - கிழிப்பது போலக் குடைந்து. ஈர்த்திட - இழுத்துக்கொள்ள - (8) மனம் வஞ்சம் ஒன்றும் இலாமையினால் அடியேன் மனைவாழ்க்கை மகிழ்ந்த வலிதேன் என்க. வஞ்சம் என்பது சூழ்ச்சி. இங்கு நன்மை தீமை நாடித் தீமையை அறிந்து பிறரறியா வண்ணம் அனுபவிக்கும் நல்ல சூழ்ச்சி குறித்தது. வலித்தல் - உயர்வாக எண்ணித் தருக்குதல். (உம்மைத் தவிர வேறு) யாதொருவரும் துணையில்லை என்க. இது சமணர் எல்லாருங் கைவிட்டதனாலும், துணையென்று அடைந்த அம்மையார் காட்டுவித்ததனாலும் உணர்ந்தது. கலித்து - இரைத்து. மலக்கிட்டு - முறுக்கி உழக்கி. "மனத்துள்ளே கலமலக்கிட்டுத் திரியும் கணபதி யென்னுங்களிறும்" (காந்தாரம் - அதிகை - 5). கவர்ந்துதன்ன - (என் உயிரைக்) கொள்ளை கொண்டு உண்ணுதலாலே. அலுத்தேன் - இளைத்தேன். உயர்ந்தேன் மனைவாழ்க்கை, வலித்தேன் மனைவாழ்க்கை - என்பனவற்றால் நாயனார் இவ்வுலக நிலையில் மனை - பொருள் முதலியவற்றால் மிகச் சிறந்திருந்தனர் என்பதறியப்படும்.¹