டெலக்ஸ்

o தலைநகருக்குச் செய்தி பறந்தது
  இன்று காலை 9 மணிவரை
  1, 75, 843 தலைகள் வீழ்ந்துள்ளன

* பிரமாதம் மாபெரும் சாதனை
  தலைகளைப் புதைக்க இடமுள்ளதா

o இல்லை மேலும் மேலும் தலைகள் வீழ்ந்து
  கொண்டேயிருக்கின்றன

* தலைகளை எரிக்கப் புதிய இறக்குமதிஇயந்திரம்
  அனுப்புகிறோம்
  திராட்சைத் தோட்டங்களுக்கு அவை நல்ல எருவாகும்
  உங்கள் தலைகளைப் பத்திரமாய் வைத்திருங்கள்
  நாளை பொருட்காட்சிக்குப் பயன்படும்
  மேலும் தலைகளை வீழ்த்துவதற்குக்
  குறைந்த பட்சத் திட்டமேதேனும் உள்ளதா

o இன்னும் இரண்டு காவல் நிலையங்களும்
  பத்தாயிரம் சோற்றுப்பட்டாளங்களும் இருப்பின்
  செயல்திட்டம் ஊக்கம் பெறும்

* அனுமதிக்கிறோம் உங்களுக்குப் பூரணசுதந்திரம் உண்டு