| முழுவதும் அடங்கிய ஆய்வு தொகுப்பு | 365 |
Untitled Document
| 1686 | | போற்றும் இலங்கை அசோகவனம்
போன இடமும் எவ்விடமோ?
சீற்ற அரக்கர் கோனும், அவன்
செங்கை வாளும் எங்கேயோ?
ஏற்றும் திராட்சைக் கொடியின்னும்
இனிய மதுவைத் தந்திடுமே;
ஆற்றங் கரைப்பூஞ் சோலைமணம்
அல்லும் பகலும் வீசிடுமே. | 17 |
| 1687 | | பாயும் வாய்க்கால் அருகிலெழும்
பசிய கோரை அழகினைப்பார்;
சாயும் வேளை மெதுவாகச்
சாய்நீ, அப்பா! சொல்கின்றேன்;
ஆயின் இதுவும் முன்னாளோர்
அழகின் செல்வி அனுதினமும்
நேய மாக நெய்பூசி
நீட்டி வளர்த்த பூங்குழலே. | 18 |
| 1688 | | மண்ணில் மறையும் முடிமன்னர்
வாழ்வும் அரிய வாழ்வாமோ?
கண்ணிற் காணாச் சொர்க்கமுமோர்
கனவே யன்றி நனவாமோ?
நண்ணும் உன்கைப் பொருளதனை
நம்பி யிருநீ, நண்ணாதது
எண்ணி யெண்ணி எந்நாளும்
ஏங்கி யலைவது ஏன்? ஐயா! | 19 |
| 1689 | | இன்றைக் கின்றைக் கென்றோயாது
இரவும் பகலும் உழைத்திடுவீர்;
அன்றி நாளைக் காமெனவே
அலுப்பில் லாது முயன்றிடுவீர்;
ஒன்று சொல்வன் உண்மைமொழி
உறுதி யாகக் கொள்வீரே;
என்றும் மூடர் நன்மையுமக்கு
இங்கும் இல்லை அங்குமில்லை. | 20 | |
|
|