Untitled Document | | கோதிலாச் சுதந்தி ரத்தால்
குணம்பெறா தென்றும் நாட்டில்
வாதினைப் பெருக்கிச் சண்டை
வளர்ப்பவர் செய்கை, அம்மா! |
| | 112. உழைக்க வேண்டும் | | 903 | | மன்னும் சுதந்திரத்தை - நாட்டில்
மக்கள் அடைந்தவுடன்
பொன்னை மழையாக - வானம்
பொழிந்து கொட்டிடுமோ? |
| 904 | | பாலை சோலையாகிக் - கனிகள்
பழுத்து தீர்ந்திடுமோ?
சேலை சேலையாகப் - பருத்திச்
செடிகள் காய்த்திடுமோ? |
| 905 | | ஆக்கம் வேண்டு மெனில் - நன்மை
அடைய வேண்டுமெனில்
ஊக்கம் வேண்டுமப்பா! - ஓயாது
உழைக்க வேண்டுமப்பா! |
| 906 | | உண்ணும் உணவுக்கும் - இடுப்பில்
உடுக்கும் ஆடைக்கும்
மண்ணில் அந்நியரை - நம்பி
வாழ்தல் வாழ்வாமோ? |
| 907 | | நெற்றியின் வியர்வை - நிதமும்
நிலத்தில் வீழ்ந்திடிலே
சற்றும் வாடாமல் - சுதந்திரம்
தழைத்து வருமப்பா! |
| 908 | | ஜாதிச் சண்டையெலாம் - ஓய்ந்து
தணிய வேண்டுமப்பா!
நீதி நாடெங்கும் - நிலைத்து
நிற்க வேண்டுமப்பா! |
| 909 | | உலக மக்களெல்லாம் - அன்போடு
ஒரு தாய் மக்களைப் போல்
கலக மின்றிவாழும் - காலம்
காண வேண்டுமப்பா! | |
|
|