சுரு

துரு: துரு-துருத்து என்பது இன்று முன்தள்ளுதலைக் குறிக்கும்.

நுரு = பிஞ்சு. நுரு-நொரு = இளங்கதிர், பிஞ்சு.

புரு: புரு = குழந்தை. புரு-(பிரு)-பிருகு = முற்றாப் பனங்கிழங்கு.

பிருகு - பிருக்கு.

சிறு பிஞ்சுகளைப் பிஞ்சும் பிருக்கும் என்பது உலக வழக்கு.

முரு: முரு-முருகு = இளமை, இளமையான முருகன். முருகு - முருகன். முரு-முருந்து = குருத்து, தளிர்.

முரு-முறி=தளிர். முறிதல் = துளிர்த்தல். "முறிந்த கோலமுகிழ்" (சீவக. 2358)

முரு - மரு - மருவு. மருவுதல் = தோன்றுதல்.

உரு என்னும் அடிக்கு முந்தியது உல் என்பதாகும். லகரம் ளகரமாகத் திரிவது போன்றே ளகரம் ழகரமாகத் திரியும்.

உல்-உல்லரி = தளிர், உலவை=தழை. "ஈயுலவையினோப்பி" (இரகு. தேனு. 35).

குல் - குள் - குளகு = தளிர், தழை. குள் - குட்டி. குள்- குழ - குழை = தளிர். குழ - கொழுந்து. குழ - குழவு- குழகு - குழகன். குழ - குழந்தை. குழவு - குழவி.

சுல்-சூல் = கரு, முட்டை. சுல்-சில்-சின்ன-சினை. சினைத்தல்= தோன்றுதல், அரும்புதல், கருக்கொள்ளு தல், தழைத்தல். சினை= மொட்டு, மரக்கிளை, சூல், முட்டை.

துல்-துள்-துளிர்-தளிர். துள்-தள்-தழு-தழுக்கு, தழுக்குதல்= தழைத்தல். தழு-தழை = குழை.

நுல் - (நுள்) - நுழு - நுழுவல் = இளம்பாக்கு. நுழு - நுழாய் = இளம் பாக்கு, நுல்-(நுன்)-நுனை-நனை = அரும்பு. நனைதல் = அரும்புதல், தோன்றுதல்.

புல்-(பல்)-பல்லவம் = (வ.) = தளிர், புல்-(புள்)-பிள்-பிள்ளை. பிள் = பிள்ளைமையழகு, பிள் - பீள் = இளங்கதிர், இளமை, கரு. புள்-பூள்-பூட்டை = இளங்கதிர். பூட்டை - பீட்டை.

முல்-முள்-முளை. முளைத்தல் = தோன்றுதல். முளையன்= சிறுவன்-முள்-முட்டு-மொட்டு. முள்-மள்-மள்ளன் = இளைஞன். மள் - மழ - மழவு - மழவன் = இளைஞன்.

"மழவும் குழவும் இளமைப் பொருள" (தொல்.உரி.14)