அதன் திரிமொழிகட்கும் இடைப்பட்ட உறவு அல்லது தொடர்பு,
திரிபின் அளவிற்கேற்ப நெருங்கியோ நீங்கியோ இருக்கும்.
திரிமொழிகட்குள்ளும் ஒரு தாய்மொழிக்கும் அதன் கிளைமொழி கட்கும்
இடைப்பட்ட உறவும் இத்தகையதே.

     பாலினின்றே தயிர், மோர், வெண்ணெய், நெய் ஆகியவை
உருவாக்கப் பெறுகின்றன. ஆயின், இவற்றிற் கிடைப்பட்ட உறவு
திரிபிற்கேற்பத் தோற்றத்திலும் பண்பிலும், வேறுபட்டுள்ளது. உருக்கின
நெய் தோற்றத்திற் பாலினின்று முற்றும் வேறுபட்டு விடுகின்றது. நெய்
உருவாகும் வகையை அறியாதவன் நெய்க்கும் பாலிற்குமுள்ள தொடர்பை
உணர முடியாது. இங்ஙனமே மொழிகட் கிடைப்பட்ட உறவுமென்க.

     வடதிரவிடம் என்னும் பிராகிருதம், தமிழுக்கு எத்துணை நெருக்கமா யிருந்ததென்பதைப் பின்வருஞ் சொற்களாற் கண்டு கொள்க.