இளங்கம்பு = கம்புவகை.

இளங்கலையன் = நெல்வகை.

இளங்கருக்கு = சிறிது காய்ச்சிய கருக்கு (கஷாயம்)

இளங்காட்டுத் தரிசு = பத்தாண்டுப் புறம்போக்கு.

இளங்கார் = நெல்வகை.

இளங்கால் = தென்றல், வெற்றிலை யிளங்கொடி, இளமைப் பருவம்.

இளங்காலை = வைகறை, இளமைப்பருவம்.

இளங்குரல் = குழந்தையின் குரல்.

இளங்குழம்பு = திண்ணமில்லாத சாறு, ஒருவகைக் குழம்பு.

இளங்கொடி = ஆவின் நஞ்சுக்கொடி, இளம்பெண்.

இளங்கோயில் = பழங்கோயில் பழுதுபார்க்கப்படும் பொழுது கட்டப்பெறும் குறுங்காலக் கோயில்.

இளஞ்சாயம் = சிறிது தோய்த்த சாயம்.

இளஞ்சார்வு = குருத்தோலை (யாழ்).

இளஞ்சிவப்பு = வெளிறிய சிவப்பு.

இளஞ்சூடு = சிறிது சுடுகை.

இளஞ்சூல் = முதிராக் கரு.

இளந்தண்டு = முளைக்கீரை.

இளந்தெய்வம் = சிறு தெய்வம்.

இளந்தோய்ச்சல் = தயிர் சிறிது திரைதல், அலகைச் சிறிது பதப்படுத்துதல்.

இளநகை = புன்சிரிப்பு, க. elanage

இளநாக்கடித்தல் = உடன்பாடின்மைபோற் காட்டுதல்.

இளநிலா = அந்தி நிலா.

இளநீர் = முற்றாத தேங்காய்நீர், மணியின் இளநிறம். T. edaniru, K.elaniru, ம. இளநீர்.

இளநீர்க்கட்டு = உண்ணாக்கு நோய் (tonsillitis)

இளநீலம் = வெளிறிய நீலம்.

இளநெஞ்சு = இரக்கமுள்ள மனம்.