தேவாரம் கூறும்.² அக்கோயிற் பெயர் சாசனங்களிலும் வழங்குகின்றது.3 இந்
நாளில் அவ்வூர்ப் பெயர் கருவேலி என மருவியுள்ளது.
 

குருகாவூர்-வெள்ளடை

     சோழ நாட்டில் சோலையும் வயலும் சூழ்ந்த குருகாவூரில் ஈசன்

கோயில் கொண்ட இடம் வெள்ளடை என்று பெயர் பெற்றது.⁴

                “வளங்கனி பொழில்மல்கு
                வயலணிந் தழகாய்
                விளங்கொளி குருகாவூர்
                வெள்ளடை யுறைவானை”
என்று பாடினார் சுந்தரர்.
 

திருஆனைக்கா-வெண்நாவல்

     திருச்சிராப்பள்ளிக்கு அருகேயுள்ள திருஆனைக்கா என்னும்
சிவஸ்தலம் பண்டைச் சோழ மன்னரால் பெரிதும் கொண்டாடப்பட்ட
தென்பர். ஈசனார்க்குப் பல மாடக் கோயில் கட்டி மகிழ்ந்த கோச்செங்கட்
சோழன் சிவனருள் பெற்ற இடம் திரு ஆனைக்காவே யாகும்.⁵
காவிரிக்கரையில் அமைந்த ஆனைக்காவில் இறைவன் வெண்ணாவல்
மரத்தில் விளங்கிய தன்மையையும், சோழ மன்னனுக்கு அருள் புரிந்த
செம்மையையும் திருஞான சம்பந்தர் பாடியுள்ளார்.

         “செங்கட் பெயர் கொண்டவன் செம்பியர்கோன்
         அங்கட் கருணை பெரிதா யவனே
         வெங்கண் விடையாய்எம் வெணாவலுளாய்