:: TVU ::

306	மயிலை சீனி. வேங்கடசாமி ஆய்வுக் களஞ்சியம் - 20

ஐந்தாம் அங்கம்

முதற் களம்

இடம்:கோட்டைக்கும் வஞ்சியர் பாசறைக்கும்
நடுவிலுள்ள வெளி.

காலம்:யாமம்.

(குடிலன் தனியே நடக்க)

(நேரிசை ஆசிரியப்பா)

குடிலன்		(தனிமொழி)
		திருமணம் கெடினும் தீங்கிலை ஈங்கினி. இருசரம் இன்றி எப்போ ரிடையும் ஏகார் மதியோர். இதில்வரு கேடென்? ஆகா வழியும் அன்றிது. சேரனை
	5	அணைந்தவன் மனக்கோள் உணர்ந்ததன் பின்னர் சுருங்கையின் தன்மை சொல்லுதும் ஒருங்கே. இசைவனேற் காட்டுதும். இன்றேல் மீள்குதும். பசையிலா மனத்தன்! பணிதலே விரும்புவன்! பாண்டிநா டாளவோ படையெடுத் தானிவன்?
	10	தூண்டிடு சினத்தன்; தொழுதிடில் மீள்வன். வேண்டிய நீரும் விழைந்ததோர் தாரும் பாண்டில் பாண்டிலா யாண்டுகள் தோறும் அனுப்புதும். குறைவென் அதனில்? இதுவே மனக்குறை நீக்கு மார்க்கம். - வதுவை
	15	போயினென்? ஆயினென்? பேயன் நம்மகன்

இரு சரம் - இரண்டு அம்புகள். மனக்கோள் - மனத்தில் உள்ள கருத்து. பாண்டில் - வண்டி. நம் மகன் - பலதேவன்.