சொல்
|
அருஞ்சொற்பொருள் |
அ | தமிழ் எழுத்துகளுள் முதல் உயிர் எழுத்து ; சுட்டெழுத்து ; விகுதி ( அஃறிணைப் பன்மை , வியங்கோள் , எச்சம் ) ; ஆறாம் வேற்றுமைப்பன்மை உருபு ; சாரியை ; எட்டு என்னும் எண்ணின் குறி ; எதிர்மறை இடைச்சொல் ; அழகு ; கடவுள் ( சிவன் , திருமால் , பிரமன் ) . |
அஆ | விட்டிசைச்சொல் ; வியப்புக் குறிப்பு ; இரக்கக் குறிப்பு . |
அஃகம் | தானியம் ; விலைப்பொருள் ; ஊறுநீர் ; முறைமை . |
அஃகரம் | வெள்ளெருக்கு . |
அஃகல் | காண்க : அஃகுதல் . |
அஃகாமை | குறையாமை ; சுருங்காமை . |
அஃகான் | 'அ ' என்னும் முதல் எழுத்து ( அ - கான் , கான் எழுத்துச்சாரியை ) . |
அஃகு | ஊறுநீர் . |
அஃகுதல் | குறைதல் ; சுருங்குதல் ; நுணுகுதல் ; குவிதல் ; நெருங்குதல் ; வற்றுதல் ; கழிதல் . |
அஃகுல்லி | உக்காரி என்னும் சிற்றுண்டி ; பிட்டு . |
அஃகுள் | காண்க : அக்குள் . |
அஃகேனம் | ஆய்த எழுத்து , மூன்று புள்ளி ( ஃ ) வடிவினது , முள்ளில்லாப் பன்றி . |
அஃதான்று | ( அஃது - அன்று ) அதுவுமன்றி . |
அஃது | அஃறிணை ஒருமைச்சுட்டு ; அது ; அப்படி . |
அஃதை | அகதி , கதியிலி , திக்கற்றவர் , ஆதரவில்லாதவர் . |
அஃபோதம் | நிலாமுகிப்புள் , சகோரம் ; புறா . |
அஃறிணை | ( அல் - திணை ) உயர்திணையல்லாதவை ; பகுத்தறிவற்ற உயிர்களும் உயிரற்றனவும் ; மக்கள் , தேவர் , நரகர் அல்லாத மற்றப் பொருள்கள் . |
அக்கக்காய் | துண்டுதுண்டாய் . |
அக்கச்சி | அக்காள் , தமக்கை . |
அக்கசாலை | கம்மியர் தொழிற்சாலை , உலோகவேலை செய்யும் களம் , அணிகலன் ஆக்குமிடம் ; கம்பட்டசாலை , நாணயச்சாலை . |
அக்கசாலையர் | கம்மியர் , தட்டார் . |
அக்கட | அவ்விடம் . |
அக்கடா | ஓய்வைக் குறிக்கும் ஓர் இடைச்சொல் ; எதுபற்றியும் கவலையில்லாமை ; வியப்புக்குறிப்பு . |
அக்கடி | அலைவு ; பயணத்தொல்லை . |
அக்கணா | தான்றிமரம் . |
அக்கதம் | காண்க : அட்சதை . |
அக்கதை | காண்க : அட்சதை . |
அக்கந்து | தூற்றுகையில் தானியங்களின் பக்கத்தில் திரளும் பதர் . |
அக்கப்பறை | அலைந்து திரிகை . |
அக்கப்பாடு | நிலையழிவு ; குழப்பம் , அல்லோலகல்லோலம் ; பொருள் அழிவு ; மரக்கல அழிவு . |
அக்கப்போர் | அலப்புதல் ; வம்புப்பேச்சு ; கலகம் . |
அக்கம் | தானியம் ; பொன் ; கண் ; உருத்திராக்கம் ; பாம்பு ; கயிறு ; பக்கம் . |
அக்கம்பக்கம் | அண்டைஅயல் ; முன்னும் பின்னும் ; அண்மைச் சூழல் . |
அக்கமணி | உருத்திராக்கமணி . |
அக்கமாலை | உருத்திராக்கமாலை , செபமாலை . |
அக்கவடம் | உருத்திராக்கமாலை , செபமாலை . |
அக்கரகாரம் | மருந்துவேர் , மருந்துப்பூண்டு . |
அக்கராகாரம் | மருந்துவேர் , மருந்துப்பூண்டு . |
அக்கரம் | எழுத்து ; அழியாதது ; மாமரம் ; வெள்ளெருக்கு ; வாய்நோய் . |
அக்கரன் | அழிவில்லாதவன் ; எங்கும் நிறை பொருள் , கடவுள் . |
அக்கரை | எதிர்க்கரை , நீர்நிலையின் மறுகரை . |
அக்கரைச்சீமை | கடல் கடந்த நாடு . |
அக்கரைப்பச்சை | பொய்த்தோற்றம் . |
அக்களிப்பு | அகக்களிப்பு , மனமகிழ்ச்சி . |
அக்கறை | ஈடுபாடு ; கருத்து , கவனம் . |
அக்கன் | தமக்கை ; கருடன் ; பிறவிக்குருடன் ; நாய் . |
அக்கா | தமக்கை , முன்பிறந்தாள் ; மூதேவி . |
அக்காள் | தமக்கை , முன்பிறந்தாள் ; மூதேவி . |
அக்காணி | பருவுடல் . |
அக்காத்தான் | தான்றிமரம் . |
அக்காரடலை | சருக்கரைப் பொங்கல்வகை . |
அக்காரவடிசில் | சருக்கரைப் பொங்கல்வகை . |
அக்காரம் | சருக்கரை ; வெல்லம் ; கரும்பு ; சீலை ; மாமரம் . |
அக்காரை | ஒருவகைச் சிற்றுண்டி . |
அக்கானி | பதநீர் . |
அக்கி | அக்கினி ; வெப்பு ; அக்கினிக்கரப்பான் என்னும் நோய் ; கொப்புளம் ; பூச்சி வகையுள் ஒன்று ; கண் ; தேர் . |
அக்கிக்கல் | மாணிக்கத்துள் ஒன்று ; படிகவகையுள் ஒன்று . |
அக்கிச்சூர் | கண்நோய் . |
அக்கிப்படலம் | கண்நோய் . |
அக்கியாதம் | காண்க : அஞ்ஞாதம் . |
அக்கியாதவாசம் | காண்க : அஞ்ஞாதவாசம் . |
அக்கியானம் | காண்க : அஞ்ஞானம் . |
அக்கியெழுதுதல் | அக்கிப்புண் ஆறும்பொருட்டுச் செங்காவிக் கல்லாலான குழம்பினால் சிங்கம் நாய் போன்ற உருவங்களை எழுதுதல் . |
அக்கிரகண்ணியன் | அவையில் முதல்வனாக மதிக்கத்தக்கவன் . |
அக்கிரகாரம் | பார்ப்பனர் கூடிவாழும் இடம் . |
அக்கிரசந்தானி | உயிர்களின் நன்மை தீமைகள் எழுதிவைக்கப்படும் எமனுடைய குறிப்பேடு . |
அக்கிரசம்பாவனை | முதல் மரியாதை ; முதல் வரவேற்பு . |
அக்கிரதாம்பூலம் | முதல் தாம்பூலம் . |
அக்கிரபூசனை | முதலில செய்யும் வழிபாடு . |
அக்கிரபூசை | முதலில செய்யும் வழிபாடு . |
அக்கிரசன் | முதலில் பிறந்தோன் , மூத்த தமையன் . |
அக்கிரசன்மன் | முதலில் பிறந்தோன் , மூத்த தமையன் . |
அக்கிரம் | நுனி ; உச்சி ; முதன்மை ; தொடக்கம் . |
அக்கிரமம் | முறையின்மை , வரம்புமீறிய செய்கை ; ஒழுங்கின்மை ; கொடுமை . |
அக்கிராசனம் | அவைத்தலைமை . |