Primary tabs
p20216 தத்துவ விளக்கம்
இந்தப் பாடம் என்ன சொல்கிறது?
E
கீழை நாட்டவராகிய
இந்தியருக்குத் தத்துவ ஞானம்
பரம்பரைச் சொத்தாகும். பரம்பரை பரம்பரையாக முன்னோர்கள்
தேடிவைத்த செல்வமாக விளங்குவன தத்துவங்களாகும்.
தத்துவங்களின் அமைப்பில் உள்ள சிற்சில வேறுபாடுகளால்
பல்வேறு சமயங்கள் இந்தியாவில் வழங்கி வருகின்றன. இந்தியச்
சமயங்கள் பலவற்றுள் ஒன்று சைவம். அச்சமயத்தின்
தத்துவங்கள் சித்தாந்தம் எனப்படும். சைவ சித்தாந்தத்தின்
தத்துவங்களைப் பற்றிய குறிப்புகள் இப்பாடத்தில் இடம்
பெற்றுள்ளன.
சைவத்தின் தத்துவங்கள் மிகப் பழமையானவை.
அவற்றைத் தோத்திர நூல்களும், சாத்திர நூல்களும்
வரையறுத்துத் தந்துள்ளன. அவற்றின்வழி
சைவ சித்தாந்தத்
தத்துவங்களை
உணர முடிகிறது. அவற்றை வரையறுத்து
எளிமையாக்கி இந்தப் பாடம்
தருகிறது.
இந்தப் பாடத்தைப் படிப்பதால் என்ன பயன் பெறலாம்?
- இந்தியத்
தத்துவங்களில் சைவத் தத்துவங்கள்
தொன்மையானவை என்பதை அறியலாம். -
சைவத் தத்துவங்களில் அடிப்படையானவை
முப்பொருள்கள் என்பதை அறியலாம். -
முப்பொருள்களில் பதி என்பது ஒன்று. அது இறைவனைக்
குறிப்பது. சைவத்தின் இறைவன் சிவன். அவனே
பரம்பொருள். அப்பரம்பொருளின் பொது இயல்புகளையும்
சிறப்பு இயல்புகளையும் அறியலாம்.