அதிமதுரம் வேர்

வேறு பெயர்கள் : மதூகம், குன்றி வேர்
ஆங்கிலப் பெயர் : Jamaica Liquorice
தாவரவியல் பெயர் : Glycyrrhiza glabra

செய்கைகள்

மலமிளக்கி - Laxative
கோழையகற்றி - Expectorant
வறட்சியகற்றி - Emollient
உரமாக்கி - Tonic

மருத்துவப் பயன்கள் :

- அதிமதுரம், சீரகம் இரண்டும் சமஅளவு எடுத்து எட்டு பங்கு நீரிலிட்டு ஒரு பங்காகக் காய்ச்சிய குடிநீரை, சூல் கொண்ட பெண்களின் வாந்தியைப் போக்கத் தரலாம்.

- அதிமதுரத்தைத் தாய்ப்பாலில் இழைத்து கண்ணிலிட கண் நோய்கள் தீரும். கண் மங்கல் நீங்கித் தெளிவாகக் காணும்.

- அதிமதுர வேர்ப்பொடியைத் தேனுடன் கலந்து மஞ்சள் காமாலைக்குத் தரலாம்.

- அதிமதுரக் குடிநீரால் சிறுநீரக சம்பந்தமான நோய்கள் தீரும்.

- அதிமதுரம், சந்தனம் சமஅளவு எடுத்து பாலில் கொடுத்து வர இரத்த வாந்தி தீரும்.

- அதிமதுரம், சீரகம் இரண்டையும் சமஅளவு எடுத்து குடிநீரிட்டு குடித்து வர சூல் காலங்களில் ஏற்படும் உதிரப் போக்கு தீரும்.

- அதிமதுரத்துடன் இம்பூரல் கலந்து பொடித்துக் கொண்டு காலை, மாலை 1-2 கிராம் அளவு சாப்பிட சளியுடன் கலந்து வரும் இரத்தம் நிற்கும்.

- அதிமதுர வேர், நன்னாரி, வெட்டிவேர், வில்வம் இவற்றைக் குடிநீரிட்டு அருந்த அதிதாகம் தீரும்.