நன்னாரி வேர்

வேறு பெயர்கள் : பாதாள மூலி, கிருஷ்ண வல்லி, அங்காரி மூலி
ஆங்கிலப் பெயர் : Indian Sarasparilla
தாவரவியல் பெயர் : Hemidesmus indicus.

செய்கைகள்

உடல் தேற்றி - Alterative
வியர்வைப் பெருக்கி - Diaphoretic
உள் அழல் ஆற்றி - Demulcent
உரமாக்கி - Tonic
சிறுநீர்ப்பெருக்கி - Diuretic

மருத்துவப் பயன்கள் :

- நன்னாரி வேரின் சாறு கண்ணுக்குக் குளிர்ச்சி தரும்.
- நன்னாரி வேர்ப்பொடியைப் பாலுடன் உண்ண சிறுநீரைப் பெருக்கும். சிறுநீரகக் கற்களைக் கரைக்கும் குணமுடையது.

- நன்னாரியை ஊறவைத்த குடிநீரை 30 மி.லி குடித்து வர செரியாமை தோல் நோய்கள், வாத நோய்கள் தீரும்.

- ஊறல் குடிநீரைப் பால், சர்க்கரை சேர்த்து சூடாகச் சாப்பிட ஆண்மைப் பெருக்கியாகச் செயல்படும்.

- நன்னாரி வேர்ச்சூரணத்தைத் தேனில் குழைத்து உண்டு வர மஞ்சள் காமாலை குணமாகும்.

- வேர்ப்பட்டையைப் பால் அல்லது சர்க்கரையில் கொடுக்க குழந்தைகளுக்கு ஏற்படும் வயிற்றுப்போக்கு குணமாகும்.

- நன்னாரி வேரைப் பச்சையாகக் கொண்டு வந்து ஒன்றிரண்டாக வெட்டிக் கொண்டு நீரில் ஊறவைத்துக் குடித்து வர கிரந்தி நோய் தீரும்.

- பச்சை நன்னாரி வேரை நீர் விட்டு அரைத்து பாக்களவு வெந்நீரில் தினம் காலையில் ஒரு வேளை கொடுத்து வர பற்களிலிருந்து வடியும் இரத்தம் நிற்கும்.

- நன்னாரி வேரை நன்கு சுத்தம் செய்து அரைத்து, பசும்பாலில் அரைத்து, மூன்று தடவை பாலில் கரைத்து வடிகட்டி, தினமும் 3 வேளை 5 நாட்கள் உண்டு வந்தால் உதிரப்போக்கு தீரும்.