யாப்பருங்க லம் 96-சூத்திரங்களைக் கொண்டுள்ளது. 96-சூத்திரங்களில்
யாப்பிலக்கணப் பரப்பை முற்றுற விவரித்தல் இயலாமையின் ஆசிரியர் விதப்புக்
கிளவிகளைச் சூத்திரங்களிற் பெய்து, சூத்திரங்களிற் கூறாது விட்ட பொருளை உரையிற்
கொள்ளுமாறு அமைத்தனர். பெருகக் கற்றார்க்கே அந்நூல் பெரிதும் பயன்படுதல்
நோக்கியும், அஃதும் உரையின் உதவியின்றி விளக்கப்பொருள் கொள்ளுவதில்
இடர்ப்பாடு நிகழ்வதை எண்ணியும் இளம் பக்குவிகளுக்கும் எளிதில் விளங்குமாறு
அமிர்த சாகர முனிவரே தம் யாப்பருங்கலத்துக்கு அங்கமாகப் பொருளைச் சுருக்கியும்
விளக்கியும் யாப்பருங்கலக் காரிகையை அருளிச் செய்தார் 1/2 என்று கொள்ளல்
வேண்டும்.