313. குறிஞ்சி

	கருங் கால் வேங்கை நாள் உறு புதுப் பூ,
	பொன் செய் கம்மியன் கைவினை கடுப்ப,
	தகை வனப்புற்ற, கண்ணழி கட்டழித்து,
	ஒலி பல் கூந்தல் அணி பெறப் புனைஇ,
5	காண்டற் காதல் கைம்மிக கடீஇயாற்கு
	யாங்கு ஆகுவம்கொல்?-தோழி!-காந்தள்
	கமழ் குலை அவிழ்ந்த நயவருஞ் சாரல்
	கூதள நறும் பொழில் புலம்ப, ஊர்வயின்
	மீள்குவம் போலத் தோன்றும்-தோடு புலர்ந்து
10	அருவியின் ஒலித்தல் ஆனா,
	கொய்பதம் கொள்ளும், நாம் கூஉம் தினையே.	உரை