118. நெய்தல்

	புள்ளும் மாவும் புலம்பொடு வதிய
	நள்ளென வந்த நார் இல் மாலை,
	பலர் புகு வாயில் அடைப்பக் கடவுநர்,
	'வருவீர் உளீரோ?' எனவும்,
	வாரார்-தோழி!-நம் காதலோரே.	உரை

325. நெய்தல்

	'சேறும் சேறும்' என்றலின், பண்டைத் தம்
	மாயச் செலவாச் செத்து, 'மருங்கு அற்று
	மன்னிக் கழிக' என்றேனே; அன்னோ!
	ஆசு ஆகு எந்தை யாண்டு உளன்கொல்லோ?
	கருங் கால் வெண் குருகு மேயும்
	பெருங் குளம் ஆயிற்று, என் இடைமுலை நிறைந்தே.	உரை